Yɛrɛmaya 4:19 - ALLALA KUMƐ

¹⁹ Nde, Yɛrɛmaya ye a fɔla ko, “E, dumɛ! N yisi ye n tɔrɔla kosɛbɛ!” A ye tugula n burɔ. N ti ke a birala n tɔ tun. A ye wo nya na le bawo n bi kɛlɛ-buru-kan lamɔɛnna. N bi kɛlɛ-sɔnkɛ lamɔɛnna.

Yɛrɛmaya 4:19 Iomraidhean Croise

Ko-Dabirɛnu 49:6

N ti basan wo la gbundu-koe fɔ tinɛ hali ka ntɛ fɔ wota ladɛn kuma. Ni wo yisi magboyara doni bɛrɛni, wo si mɔgɛnu faga. Ni yɛlɛn-sɔgɛ ya wo bira, wo si turɛnu kin-kɔma-fasɛnu natɛgɛ alako wo ni anu mayɛlɛn. Woletɔ n ti kofu wo ma mumɛ, wola gbundinu tɔ.

2 Mansɛnu 4:19

Kɔnɔ a ma mɛ, kun-dumɛ ya dennɛ wo bira latiriya-bole wo ma. Dennɛ wo dira kun-dumɛ wo kɔrɔ. A fa ya a fɔ ala wɔli-kɛlɛ do ye ko a ni ta dan wo la a na wara soe.

2 Mansɛnu 8:11

Nɛbi Ilaisa ban kɛ fɔla, a ya a yɛ gbangban Hasiyɛli la. Nɛbi yakɔrɛ makilanta wati-kundu-nɛ wo kɔrɔ. Wo ya a ma, Hasiyɛli miliyara. Wo kɔma, Nɛbi Ilaisa ya-yi yigira biribiri!

Yaburi 103:1

N ni Mari matɔgɔ n sɔndɔmɛ bɛɛ la. N fɛrɛ mumɛ bɛɛ ye Mari tɔgɔ-sɛnimɛ tantola.

Yaburi 116:7

N ya a fɔ n nyɛrɛ ma ko, “N bi hɔnna nfenna gbɛ?” Mari nyimayanɛ n ye.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 119:53

N ba karagbɛlɛnu yen ila tɔnnu tinyana. Wo si ma n bolo yisi-bɔɛ la.

Yaburi 146:1

N si Mari tanto. N si Mari tanto n sɔndɔmɛ bɛɛ la.

Yaburi 16:2

N ya a fɔ ile Mari ye ko, “N tigi le ile la. N ti ke fen-nyima sɔrɔnna n nyɛrɛ ma ni ile ma.”

Aiseya 15:5

Nde, Aiseya yisi tinyanɛ Mohabu kɛnuna ko la. Minnu ya anu buri, wonu tara fɔɔ Sohari soe anubɛ Igilati-Sɛlisiya soe burɔ. Donu bi yɛlɛla dila Lohati soe kilɛ la. Donu bi tala anu dɛ sala-a-rɔ Hɔrɔnayim soe burɔ.

Aiseya 16:11

N bi kurunna Mohabu kɛnuna ko la iko anu tenbi bɔlɔn fɔla saya-koe kuma. N yisi tinyanɛ Kiri-Harɛsɛti soela ko la.

Aiseya 21:3

N bara min tayen anubɛ n bara min namɔɛn ko-rayirɛ kɛ rɔ, wo ara dumɛ anubɛ kumakɔɛ tenbi n tɔ iko musi wa wuli a nyɛrɛ-masɔrɔn la.

Aiseya 21:4

N bi yɛrɛyɛrɛnna yisi-tinyɛ bolo. N hɛnkili latɛgɛnɛ wura-makɔnɛ ma kɔnɔ yaga, wo ye a labanna n bolo kumakɔɛ le la.

Aiseya 22:4

Wo ni nde, Aiseya kelan to, woletɔ n si di biribiri nna mɔgɛnuna ko la minnu bara faga nun kɔrɔma la. Hali wo ma n madiya.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 20:9

Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Yɛrɛmaya 23:9

Nde, Yɛrɛmaya yisi ara tinya ka a tɛgɛ nɛbinu bara-koe rɔ. N fɛrɛ bɛɛ ye a dɔnna n ma. N bara ma iko gbɛɛtoe. N bara ma iko mɔgɛ min bara a to gbɛɛ ma. Mari anubɛ ata kuma-sɛnimɛ le ye n mala ka.

Yɛrɛmaya 4:21

N yɛ si to gbalani kɛlɛ-mandan tamasere la ha tumɛ mintan? N tole si to kɛlɛ-buri la ha muntuma?

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Yɛrɛmaya 50:22

Kɛlɛ-sɔnkɛ anubɛ kasarɛ si taran nyamanɛ wo tɔnkɔn bɛɛ rɔ.

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Yɛrɛmaya 8:18

E, Alla, n yisi-tinyɛ ti sa mumɛ! N sɔn tɔrɔnɛ feu!

Yɛrɛmaya 8:21

Bawo wole nde, Yɛrɛmayala mɔgɛnu ta ara bunden min kɛ, nde fanan ta ara bunden. N bara kilan wo kuma min kɛ, n ya n dɛ sa-a-rɔ lungbɔn!

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Nimisa Koe 1:20

“E, Mari, i ma a yen, n niyi ra ara gbɛrɛn n ma. N yisi ara tinya ka a tɛgɛ nta murutiyɛla ko ma. N yogenu ya nna dannu faga luyi ma. Fenfen sa bɔnnu na fanan fɔ sayɛ.

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Daniyɛli 4:19

Mansɛ ya a fɔ tun ko, “Daniyɛli min tɔgɛ fanan Bɛlitisasa, wo ya kiyo wo kɔrɛ lɔn tumɛ min, a kilanta. A ma ke fenfen fɔla wati-kundi wo kɔrɔ. Nde, mansɛ ya a fɔ a ye ko a kana kilan kiyo wo kɔrɛ rakaranna n ye. “Ale Daniyɛli ya a fɔ n ye ko a fisa nun, kiyo kɛ kɔrɛ ni sigi n yogenu denu na.

Daniyɛli 7:15

“Kiyo kɛ ya n yakɔrɔ-mamɔ ka nde, Daniyɛli takilan dɔgɔma-ma-de!

Daniyɛli 7:28

“N ya koe min bɛɛsi yen nna kiyo rɔ, wo le kɛ la. N kilanta furr, ha n mɔlɔkɔnta kɔnɔ n ya a bira n tɔ.”

Daniyɛli 8:27

Ka a tɛgɛ nde, Daniyɛlita ko-rayen kɛnu ma, a ya tele-siyaman bɔ n mankulan bɔnɛ n ma. Wo kɔma, Mansa Bɛlisasa wo ya n sɔ wɔli min na, n tara wo kɛ tinɛ. Kɔnɔ hali wo, ko-rayen wo ya n kɔndɔfili. N ma ban nun a nya-yenna.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Yilan-Yilan Koe 10:9

Ni wo yogenu nara wo taran wola nyamanɛ rɔ, Aruna anubɛ ala dannu si buri wonu fɛ. Nde, Mari Alla si n miri wo ma ka wo kisi.

Romu 10:1

A sɔgɛ ye n na bɛrɛbɛrɛ-wɛ-kɛ ko n na-kelen-nyɔgɔ Yahudiyanu ni kisi! N bi Alla matarala anu ye dɛɛ!

1 Kɔrɛnti 14:8

Ado nfan, min bi kɛlɛ-buri fɛla, ni wo ma a fɛ a kilɛ fɛ, yon si a rabɛn kɛlɛ-kɛ-koe la?

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Kɛlɛ-Kurugbɛnu 5:21

Bandɛ ya a ma, Kisɔn bɛ fara. A yigira ma yogenu na pon! Woletɔ male fanan ya sɛnbɛ sɔrɔn ka to tala kɛlɛ rɔ.