Yɛrɛmaya 4:16 - ALLALA KUMƐ

¹⁶ Kuman-kan wo ko wo ni kɛ fɔ sibolo-gbɛrɛnu ye ka a lake wole, Yerusalɛm kɛnu fanan ma ko wo yogenu bi nala ka bɔ wula-yan la pon! Kɛlɛ-kumɛ ye anu da rɔ Yuda soenu kan ma.

Yɛrɛmaya 4:16 Iomraidhean Croise

Aiseya 34:1

Wole sibolo-gbɛrɛnu, wo dama ni na ka wo tole masɔ. Mɔgɛ min bɛɛ ye dugu-kole kuma, wo ni na ka wo tole masɔ.

Aiseya 39:3

Nde, Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 16:6

A mɔgɔ-ba wo, a mɔgɔ-ni wo, wo dama si faga Yuda nyamanɛ rɔ. Mɔgɔ ti wo togon hali ka di wola ko la. Mɔgɔ ti a nyɛrɛ matanban, ni wo ma, ka anu kunyɛ gbana wolela ko la di-kɛ-tinɛ.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 31:10

Wole nyamani-gbɛrɛkɛ-mɔgɛnu, wo ni wo tole masɔ Mari kan la. Wo ni kilayɛ kɛ lake yi-kɔgɔma-mɔgɛnu ma. Ale Mari ko a ara ata mɔgɛnu tanyɛnsɛn kɔnɔ a si anu kundɛn tun. A si anu fɛ-bira iko saga-kandannɛ si ala sagɛnu fɛ-bira nya min.

Yɛrɛmaya 39:1

Sɛdɛkayala mansayɛ san kɔnɔntɔ nyɔgɛ wo karɛ tan nyɔgɛ ma Yuda nyamanɛ kun na, Babilɔn Mansa Nɛbukanasa anubɛ ala kɛlɛ-dan mumɛ nara bui Yerusalɛm soe ma.

Yɛrɛmaya 4:17

Wo yogenu bara kurɔn don Yerusalɛm soe ma iko donsenu ba wɔlɔn kurɔn nya min. Mari ko kɛ bɛɛ ye mala le bawo wole, Yuda kɛnu bara murutiya a ma.

Yɛrɛmaya 5:15

Wole Isirɛla mɔgɛnu, Mari ko wo ni wo tole masɔ. A ti mɛ tun, nyamanɛ do si na wo tɔrɔ-tinɛ ka bɔ wula-yan la. A ko nyamani-kɔrɔkɔrɛ do le wo la. Mɔgɛ wonu bi kumɛ min fɔla, wo ti wonu kan ragbɛ. Wo ti ke anu kuli ragbɛla.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Yɛrɛmaya 50:2

“Wo ni kɛ fɔ sibolenu ye ka a mayon ko anu ka a ma gbundu la de! Wo ni falafalɛ layɛlɛ tamasereyɛ la ko Babilɔn si na bui, yɔ! Anuna bɛsɛ min tɔgɛ Maraduku, wo si na nyɛnsɛn kesemeren! Babilɔn kɛnuna bɛsɛnu bara miliya kɔgɔrɔyɔlɔ! Anuna kisimiriya-bɛsɛ wonu si na serendi ha ka anu nunku iko gbangban.

Yɛrɛmaya 6:18

Wole sibolo-gbɛrɛnu, wo ni wo tole masɔ. Wo ni wo tole rabalan, wole sereyɛnu, kɔni. Wo ni a mafɛlɛn ale Mari ye nala min mala Yuda nyamanita-mɔgɛnu na.

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Yɛrɛmaya 6:22

Mari ya a fɔ ko, “Wo ni wo yɛ lata. Kɛlɛ-dannu bi nala ka bɔ kantɔ-findan ma pon! Sibolo-makawanɛ do ye nala. Anu tabɛnnɛ kɛlɛ-wɛla ko la.

Yɛrɛmaya 6:23

Anu bi nala kalabɛn anubɛ tanbɛ la anu bolo. Anu karagbɛlɛ dɔgɔma-ma-de! Hina-wo-hina sa anu tɔ. Anubɛ anuna soeenu na-kan mani de iko kɔgɔ-yi tenbi tugula a rɔ. Kɛlɛ-dan wonu bara sɔ anu sansan-yili ma wo kɛlɛ-kan ma. Anu bi nala wole, Yerusalɛm kɛnu kɛlɛ-koe la.”

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Isikiyɛli 21:22

Nba! Kalabɛn min bi a bolo-nyimɛ rɔ, wo ya Yerusalɛm kilɛ yira a la. Wo ye a fɔla a ye ko a ni tarɛ da-keri-fan sɔ Yerusalɛm soe kan ma. Wo kɔma, ale mansɛ si to worondola ka kɛlɛ-matɔgɔ-kumɛnu fɔ. A si bɔnkɛ layɛlɛ soe wo tarɛ ma alako mɔgɔ-siyaman ni yɛlɛ tarɛ ma kɛlɛ-kɛ-tinɛ soe wo burɔ.