Yɛrɛmaya 39:6 - ALLALA KUMƐ

⁶ Ale mansɛ ya ala den-keinu anubɛ Yuda mɔgɔ-banu faga a yala Ribila soe burɔ nyɔ.

Yɛrɛmaya 39:6 Iomraidhean Croise

Ko-Dabirɛnu 21:16

A tara a sigi wula-yan la kamasɔrɔn a ko, “N kana nna dan kɛ yen fagala.” A tora dila nyɔ dan wola ko la biribiri!

Ko-Dabirɛnu 44:34

N si sɛgi kama n fa wara ni n dɔgɛ kɛ sa n fɛ? Nde ti ke tɔrɔya sufa wonu yenna sigila n fa la.”

2 Mansɛnu 22:20

A ti tɔrɔyɛ wo lana Yerusalɛm soe ma fɔ ale mansɛ wa faga tumɛ min. Mari ko a si a ma, ale mansɛ ni faga yisi-kimɛ rɔ.” Mɔgɛ wonu tara sarakanɛ wo lake Mansa Yosaya ma.

2 Mansɛnu 25:7

Anu ya ale Mansa Sɛdɛkayala den-keinu faga a nyɛrɛ yakɔrɔ nyɔ. Wo kɔma, Mansa Nɛbukanasa ya a ma, anu ya Mansa Sɛdɛkaya yɛnu bɔ a kolɔn rɔ. Anu ya yɔlɔkɛ kɛ a ma ka ta a la Babilɔn nyamanɛ rɔ.

2 Ko-Kɔrɔta-Karan 34:28

Woletɔ a ti tɔrɔyɛ wo lana Yerusalɛm soe ma fɔ ale mansɛ wa faga tumɛ min. Mari ko a si a ma, ale mansɛ ni faga yisi-kimɛ rɔ.” Mɔgɛ wonu tara kilayɛ wo lake Mansa Yosaya ma.

Ɛsita 8:6

Ni anu si na nna mɔgɛ bɛɛ lato le, ha n kebilɛ bɛɛ kunyɛ ni to-a-rɔ, n si ke n muinna kasara-su kɛ kɔrɔ kama?”

Aiseya 13:16

Mari ko anu si to anuna dannu tapɔsikɛnna anu ya la. Anu si anu wasakara maka anuna bɔnnu na. Anu si digin anuna musinu ma anu ya la.

Aiseya 34:12

Mansa ti taran Idɔm nyamanɛ wo rɔ, ado a kun-tigi bɛɛ ara ta bɛɛ ta tinɛ.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 34:3

A ko ale Mansa Sɛdɛkaya ti ke a burila. A yogenu si a bira ka a don Babilɔn mansɛ wo bolo. A ko anubɛ mansɛ wo ya-den filɛ si bɛn ka kuma anu nyɔgɔn na. Wo kɔma, anu si ta a la Babilɔn.

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Yɛrɛmaya 52:10

Anu ya ale Mansa Sɛdɛkayala den-keinu faga a nyɛrɛ yakɔrɔ nyɔ. Anu ya Yuda mɔgɔ-banu fanan faga Ribila soe burɔ.

Isikiyɛli 23:24

Anu si na i kan ma kɛlɛ-den-siyamɛ la kɛlɛ-kɛ-kirindinu anubɛ miran-madunu-kirindinu na anu bolo ka bɔ kan tɔ. Anu makirinɛ si a mini i ma nɛgɛ-lufɛnu anubɛ kɛlɛ-kɛ-fulɛnu na anu bolo. N si i don anu bolo. Anu ni i kiti anuta sereyanu na.

Isikiyɛli 24:5

I ni kɛ bɛɛ bi saga-tɔlɔnɛ le tɔ. I ni sɔgɛ kɛ dagɛ kɔrɔ gbobi! A ni te ha a kolenu ni ma yɔgbɔ!

Sɛfanaya 1:8

Mari ko a wa ma yogenu nana ma faga-tinɛ tumɛ min, tɔrɔyɛ wo da si bira mansɛla mɔgɔ-banu anubɛ ala dannu ma anubɛ minnu bi sibolo-gbɛrɛnuna namunyɛ bila.

Tɔn-Fɔɛ-Fila-Nyɔgɛ 28:34

Wola tɔrɔyɛ si wo kumakɔ ka wo ma tulan!