Yɛrɛmaya 39:5 - ALLALA KUMƐ

⁵ Kɔnɔ Babilɔn kɛlɛ-dannu ya anu sagaran ka ale Mansa Sɛdɛkaya bira gbɛkole do ma Yɛrikɔ soe dafɛ. Anu tara a la Nɛbukanasa wara Ribila soe burɔ Hamati nyamanɛ rɔ. Nɛbukanasa ya a yiliki-koe latɛgɛ nyɔ le.

Yɛrɛmaya 39:5 Iomraidhean Croise

2 Samuwɛli 8:9

Siriya mansɛ doi min bi Hamati soe kun na, Mansa Tɔyi, kɔni, wo ya a lamɔɛn min kɛ ko Mansa Dawuda ara Mansa Hadadisa nɔ,

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Mansɛnu 23:33

Iyipiti Mansa Niko nara ale bira Ribila soe burɔ Hamati nyamanɛ rɔ. Wo le ya a ma, aleta mansayɛ banta Yerusalɛm soe burɔ. Mansa Niko kɛ ya a ma, Yuda nyamanita-mɔgɛnu ya duti di ale ma. A ya a ma, anu ya wodi-gbɛ labɔ minna gbiliyɛ anubɛ fui-fen bɔrɔ bi-loli rakɛn. A ya a ma, anu ya sɛnɛ fanan nabɔ minna gbiliyɛ anubɛ fui-fan bɔrɔ talɛ rakɛn.

2 Mansɛnu 25:6

Anu tara Mansa Sɛdɛkaya la pon fɔɔ Babilɔn Mansa Nɛbukanasa ma Ribila soe rɔ. Anu bi nala a tɔrɔyala nya min, anu ya wo fɔ a ye.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Aiseya 22:3

Yanni wo yogenu ni gbɛrɛn wo ma, wo ya a taran, wola kun-tiginu wulita anu burila. Kɔnɔ yanni kun-tigi wonu ni anuna kalabɛnnu tasagan, anu yogenu ya anu bira.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 24:8

Kɔnɔ Yuda Mansa Sɛdɛkaya wo, ala mɔgɔ-banu wo, Yerusalɛm kɛ minnu tora Yuda nyamanɛ rɔ wo, anubɛ minnu ya anu buri tala Iyipiti nyamanɛ rɔ wo, Mari ko a si wole bira boloko-yogomɛ-kɛ iko tore minnu tulunɛ wo la.

Yɛrɛmaya 38:18

Kɔnɔ a ko ni i ma sɔn dɛgɛ minna mumɛ, soe kɛ kunyɛ si don Babilɔn kɛnu bolo. Anu si a mintan gburr, ado ile kunyɛ ti bɔ a rɔ.”

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Yɛrɛmaya 4:12

Fɔn-kalamɛ wo tenbira wo la pirr! Fɔn-sufa kɛ ye bɔla Mari le bolo, ado Mari le ye ata kiti lawulila wole, Yuda kɛnu kan ma.

Yɛrɛmaya 44:30

Iko a ya Yuda Mansa Sɛdɛkaya don a yoge, Babilɔn Mansa Nɛbukanasa bolo nya min, a faga-sɔgɛ ye wo min na nun, a ko a ye Iyipiti Mansa Hofara donna a yogenu bolo wo nya na le fanan.

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Nimisa Koe 1:3

Yuda nyamanita-mɔgɛnu bara don yɔɔnyɛ min tɔ, wo yogo. Anu yogenu ya anu bira ka ta anu nyɛnsɛn sibolo-gbɛrɛkɛnu tɛma wula-yan la, anu ma lafɛrɛ-kunya sɔrɔn. Anu sagarannɛnu ya anu bira, ado anu bɔ-kunya sa wonu bolo.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Isikiyɛli 23:24

Anu si na i kan ma kɛlɛ-den-siyamɛ la kɛlɛ-kɛ-kirindinu anubɛ miran-madunu-kirindinu na anu bolo ka bɔ kan tɔ. Anu makirinɛ si a mini i ma nɛgɛ-lufɛnu anubɛ kɛlɛ-kɛ-fulɛnu na anu bolo. N si i don anu bolo. Anu ni i kiti anuta sereyanu na.

Habakuku 1:7

Mɔgɛ minnu ba anu mankan lamɔɛn, anu kun ma si kɔ kilan bolo. Babilɔn kɛnu wasinɛ. Anu denu mirinɛ ko anu ya ko-wo-ko ma, wo telennɛ anu yala.

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.

Yasowa 13:5

Wo ma Kiba mɔgɛnuna nyamanɛ bi wɛ. Wo ma Lɛbanan mɔgɛnuna nyamanɛ bi wɛ min dabirɛ Beyali-Kadi soe ma Hɛrɔman kɔnkɛ kɔrɔ ha ka ke Hamati kɔnkɔ-gbɛran ma,

Yasowa 5:10

Isirɛla mɔgɛnu bi Kiligali lɛɛ rɔ Yɛrikɔ da kɔrɔ tumɛ min, anu ya Kanan-Ko-Ladiyɛ kɛ anuna karɛ fɔlɛ tele tan-ni-nani wurɛ la.

Kɛlɛ-Kurugbɛnu 3:3

Sibolo-gbɛrɛ minnu tora anu tɛma nyamanɛ wo rɔ, wonu denu denu bi kɛnu na, Filisitinuna so-kun lolɛ wo, Kenan kɛnu wo, Saidon so-burɔ-mɔgɛnu wo, anubɛ Hefa minnu siginɛ Lɛbanan kɔnkɔ-nyamanɛ wara la ka a dabira Beyali-Hɛrɔman kɔnkɛ ma ha ka ta a sigi Hamati kɔnkɔ-gbɛran la.