Yɛrɛmaya 39:2 - ALLALA KUMƐ

² Sɛdɛkayala mansayɛ san tan-ni-kelen-nyɔgɛ wo karɛ nanɛ, a tele kɔnɔntɛ ma, anu ya soe tarɛ keri tele wo le ma.

Yɛrɛmaya 39:2 Iomraidhean Croise

Yɛrɛmaya 32:1

Sɛdɛkayala mansayɛ san tan nyɔgɛ ma Yuda nyamanɛ rɔ, Mari kumara n ye tun. Nɛbukanasala mansayɛ san tan-ni-segan le wo la Babilɔn nyamanɛ kun na.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 37:8

Wo kɔma, Babilɔn kɛlɛ-dannu si na wo kɛlɛ-tinɛ tun. Anu si soe bira-a-la ka a mintan.

Yɛrɛmaya 5:10

Mari ko a si a fɔ wole, Yuda mɔgɛnu ye ko wo yogenu ni ta wole, Yuda kɛnu malanfan iko mɔgɛ si ki-fannu malanfan nya min kɔnɔ anu kana wo bɛɛ malanfan de! Anu ni mɔgɛnu faga kelen-kelenyɛ ma iko kɔlɔma-gbendalɛ. Anu ni wo ma bawo Marita ma wole, ata mɔgɛ kɛnu denu na tun.

Isikiyɛli 33:21

Mala birɛ san tan-ni-filɛ, wo karɛ tan nyɔgɛ, tele loli ma, mɔgɛ do ya a buri ka bɔ Yerusalɛm ka na Yerusalɛm tinya-koe fɔ n ye.

Isikiyɛli 4:3

I ni nɛgɛ-walan do sɔ wobɛ so-ladannɛ wo tɛma sansanyɛ la. Soe wo min nadannɛ bulɔku wo ma i bolo, i ni i ya-lamunun wo la. Soe wo si taran de kɛlɛ kɔrɔ, ado a si ma iko ile le ye soe wo kɛlɛ tinɛ. I bolo gbɛ kɛnu si ma tamasere la Isirɛla mɔgɛnu ye.

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Sɛfanaya 1:10

Mari ko wo-wulɔn-tele rɔ, ma si di-kɛ-kan lamɔɛn Yerusalɛm soe burɔ yan, don-dɛ min tɔgɛ Yɛgɛ, wo telen tɔ. Ma si mɔgɛnu gbele-gbelen-kannu namɔɛn soe tonke wo rɔ, anu ban-san min nadanna, kɔni. Ma si bɔnnu nawuya-kannu namɔɛn Yerusalɛm kɔnkɛnu kuma.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.