Yɛrɛmaya 38:4 - ALLALA KUMƐ

⁴ Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Yɛrɛmaya 38:4 Iomraidhean Croise

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

Ɛsira 4:12

“Ma tigi, a sɔgɛ ye ma la, i ni a lɔn ko Yahudiya minnu nara ka bɔ ila nyamanɛ tonke do rɔ, anu bara sigi Yerusalɛm soe burɔ, ado anu bi anuna karagbɛlɛya-so-karantan wo sɔla tun min nafanɛ murutiyɛ la. Anu bara wuli soe wo tarɛ sɔla, ado anu sa mɛla a labanna.

Nihɛmaya 6:9

N ya a yen ko anu bi ma rakilan-koe le tɔ alako ma kana na wɔlɛ kɛ kɛ. N ya Alla matara ko, “Alamɛ n sɛnbɛ makofura.”

Bɔ-Koe-Iyipiti 5:4

Iyipiti mansɛ ya a fɔ Musa anubɛ Aruna ye ko, “Nfen ya a to, wole ye mɔgɛnuna wɔlɛ tinyana? Ado nfan, Hiburu wɔli-kɛlɛnu siya ma ko! Wo ni anu nasɛgi wɔli-kɛ-tinɛ!”

Yɛrɛmaya 11:21

Woletɔ n faga-sɔgɛ ye Anatɔti kɛ minnu na, wonu bi a fɔla ko n kana wɔlɔyiya-kuma fɔ Marila ko rɔ tun. Anu ko ni n kirita wo ma, anu si n faga.

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 26:11

Saraka-masɔlɛnu anubɛ nɛbinu ya a fɔ wole, mɔgɔ-banu anubɛ wole, a mɔgɛ toenu ye ko, “A bɛnta, Yɛrɛmaya kɛ ni faga ka a tɛgɛ a ara kumɛ min fɔ soe kɛ tinya-koe ma, ado wole nyɛrɛ ara kɛ lamɔɛn.”

Yɛrɛmaya 29:7

A ko a ya wo lata birɛ rɔ soe min tɔ, wo ni wɔli-nyimɛnu kɛ nyɔ. Wo ni Mari madiya wola soela ko la wo siginɛ min tɔ. Ni yisi-kimɛ ye soe wo rɔ, wole fanan si taran yisi-kimɛ rɔ.

Yɛrɛmaya 38:16

Woletɔ Mansa Sɛdɛkaya ya lanyiri kiri n ye dogɔn tɔ. A ko a ye anubɛ Mari-nimɛ tɛma min bi niyi dila mɔgɛ ma ko a ti n faga. A ti n don mɔgɛnu bolo minnu bi n faga-koe rɔ.

Yɛrɛmaya 38:25

Ni nna mɔgɔ-banu ya a lamɔɛn ko mabɛ ara kirabɔ, anu si i manyinika ni mabɛ ya min fɔ. Anu si a fɔ i ye ko ni i ya wo bɛɛ rakaran anu ye, anu ti i faga.

Yɛrɛmaya 43:3

Nɛrayala den Baruki le wara i latugu ma kan ma alako Babilɔn kɛnu ni ma bira ka ta ma la anu barɛ, ni wo ma, ka ma faga.”

Isikiyɛli 22:27

Anuna nyamanita-mɔgɔ-banu mani de iko suluki minnu bi soge rafarala anu nyɔgɔn tɛma. Anu bi mɔgɔ-fagɛ kɛla alako anu ni ma-a-la.

Emɔsi 7:10

Saraka-Masɔla-Kun-Tigi-Wɛ Hamasa min bi Bɛtɛli soe burɔ, wo ya Nɛbi Emɔsi pɛpɛ don Mansa Yɛrabowami na. A ya a fɔ ko, “Emɔsi kɛ ye a da tankala ile Mansɛ anubɛ Isirɛla mɔgɛnu na. A ye kumɛ minnu fɔla, wo si a ma, Isirɛla nyamanɛ ni tinya pɔ!

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Kɛwɔlɛnu 16:20

Anu ya a fɔ Romu kun-tiginu ye ko, “Yahudiya kɛnu bi mala soe tɔrɔla kati!

Kɛwɔlɛnu 17:6

Kɔnɔ anu ma ke anu yenna min kɛ, anu ya Yeson anubɛ Mari Yisata mɔgɛ donu sagan ka ta anu na so-burɔ mɔgɔ-banu bara. Anu ya wɔyɔ layɛlɛ ko, “Kɛnu bi mɔgɛnu tɔrɔla dinkirɛ bɛɛ! Kaka, anu bara na maleta so tɔrɔ tinɛ,

Kɛwɔlɛnu 24:5

Ma ya kei kɛ lɔn mɔgɔ-tɔrɔla-wɛ la. A ye murutiyɛ kɛla Yahudiyanu tɛma duninya fan bɛɛ. Nasarɛti kɛ ya dina min nafɔlɔ, ale le ye wo kun-tigiyɛ la.

Kɛwɔlɛnu 28:22

Kɔnɔ a di ma ye ka i burɛ lɔn bawo ma ya a lɔn ko i ye dina kɛ min tɔ, mɔgɛnu bi kumala wo ma dinkirɛ bɛɛ rɔ.”