Yɛrɛmaya 38:22 - ALLALA KUMƐ

²² N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Yɛrɛmaya 38:22 Iomraidhean Croise

Yobu 6:15

Kɔnɔ wole n na-kelen-nyɔgɛnu, wo ara a gbɛ n ye feu, ko n ti la wo la bawo wo mani de iko banda wa tɛgɛ, yi min bi gbalala.

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Yaburi 69:14

N kisi alako n kana tunu bore rɔ. I ni n natanka n yogenu ma. N bɔ kɔgɔ-yi dumɛ rɔ.

Yaburi 69:2

N bi tununa bore rɔ min kuri bɔnɛ a la. N bi kɔgɔ-yi-dumɛ tɛma. Yi ye tugi min kɛla a rɔ, wo ye n faga tinɛ le.

Aiseya 42:17

Kɔnɔ a ko minnu bi lala bɛsɛnu na, minnu bi a fɔla ko anuta alla le anu na, wonu si yarabiyi sɔrɔn ka miliya pɔ!

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 27:14

Foninya-nɛbi minnu bi a fɔla ko i ni murutiya Nɛbukanasa ma, i kana i wɔlɔ matɔlɔ wonu na de! Anu bi i bolo-labira-tinɛ le.

Yɛrɛmaya 27:15

Mari nyɛrɛ ko ale ma kunta-kumalɛ kɛnu sɔ mumɛ! A ko anu bi ale Mari da-ragbala-tinɛ le. Woletɔ ile anubɛ nɛbi minnu bi foninyɛ fɔla i ye, a ko ale nyɛrɛ si tugu wo la ka wo faga.”

Yɛrɛmaya 38:19

Kɔnɔ mansɛ ya a fɔ n ye ko a ye kilanna ala nyamanita-mɔgɛnu denu na minnu bara kofu Babilɔn kɛnu ma. A ko Babilɔn kɛnu si a don ala mɔgɛ wonu bolo. Wonu si a bira boloko-yogomɛ-kɛ.

Yɛrɛmaya 38:21

Mari ara ko-rayirɛ kɛ n ye ko ni i ma dɛgɛ min, min bi sigila i la, wo le kɛ la.

Yɛrɛmaya 41:10

Wo kɔma, mansɛla dunmusinu anubɛ Misipa so-burɔ-mɔgɛ toenu, Nɛbusaradan ya minnu kerifa Kɛdalaya la, Sumanyila ya Amon kilɛ bira ka ta mɔgɔ-biranɛ wonu na a bolo.

Yɛrɛmaya 46:21

Hali ala kɛlɛ den sannɛnu, wonu tafagani de iko ninki-dan sɔrɔn-san. Anu fenfen ma ke kɛlɛ rakɔnɔna fɔ ka anu buri. Anu kasara-tele ara na. Anu tinya-tele ara ke.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 6:12

Wo halala-bɔnnu si to mɔgɔ-gbɛrɛnu bolo. Wola musinu anubɛ wola wɔli-kɛ-tinɛnu si di mɔgɔ-gbɛrɛ ma. A ko a wa a kɔɛn kɔrɔbi, a si wole, Yuda mɔgɛnu tɔrɔ.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Nimisa Koe 1:13

“Alla ara fɛrɛma-kaliyɛ ladon n fɛrɛ rɔ iko tɛ. Mari ara gbɛrɛ lasigi n ye alako a si n nabui nya min. Wo kɔma, a ya a kɔɛn bɔ n tɔ ka mabɛ duma-belebele to sigini.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Nimisa Koe 5:11

Anu diginta mala musinu ma hali Yerusalɛm kɔnkɔ-sɛnimɛ kuma. Anu diginta mala sunkurun-nasɔlɔnɛnu ma Yuda nyamanɛ soe bɛɛ rɔ.

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.