Yɛrɛmaya 38:19 - ALLALA KUMƐ

¹⁹ Kɔnɔ mansɛ ya a fɔ n ye ko a ye kilanna ala nyamanita-mɔgɛnu denu na minnu bara kofu Babilɔn kɛnu ma. A ko Babilɔn kɛnu si a don ala mɔgɛ wonu bolo. Wonu si a bira boloko-yogomɛ-kɛ.

Yɛrɛmaya 38:19 Iomraidhean Croise

2 Ko-Kɔrɔta-Karan 30:10

Kilayɛ wonu tara Manasa anubɛ Ifɛrɛm bɔnsɔn-mɔgɛnu bara soe bɛɛ rɔ. Anu tara pon fɔɔ Sɛbulɔn bɔnsɔn-mɔgɛnuna soenu tɔ kantɔ-wara la kɔnɔ mɔgɛnu yɛlɛnta kilayɛ wonu ma ka anu nafɛya.

Nihɛmaya 4:1

Sanbalati ya a lamɔɛn min kɛ ko male Yahudiyanu bara don tara-sɔɛ rɔ, a diminyara dɔgɔma-ma-de! A donta ma mayɛlan rɔ fanan.

Yobu 31:34

Mɔgɛnu bi min fɔla n bara-koe rɔ, wo ti n kilan ka n tade hali ka a ma, n siginɛ ni to nna bɔn la.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Aiseya 57:11

Mari ko wo ye kilanna bɛsɛ nyamintan na min bi a mala, wo ye foninyɛ fɔla a ye? A ko wo ma wo miri a ma doni bɛrɛn fɔ wo ya wo kan-kɔ-sɔɛ min kɛ a la. A ko a madenɛ ara mɛ min kɛ, woletɔ wo sa kilanna a la tun, ba?

Yɛrɛmaya 20:7

Mari, i wara n bolo labira ha n ma ara yuwaya. I ragbɛlɛ n ko, ado i wara n nɔ. N bara ma yɛlɛnma-fan la. Bɛɛ ye n mayɛlɛnna tumɛ bɛɛ.

Yɛrɛmaya 38:22

N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Yɛrɛmaya 38:5

Mansa Sɛdɛkaya ya a fɔ anu ye ko, “Nba, ni min di wole ye, wo ni wo ma a la. Nde ti ke tɔn sigila wo ma.”

Yɛrɛmaya 39:9

Tɔ-a-la, a mɔgɛ toe minnu tora soe burɔ anubɛ minnu bara kofu a ma, Nɛbukanasala kɛlɛ-den-kunyɛ min tɔgɛ Nɛbusaradan, wo tara anu denu na Babilɔn.

Yɔni 12:42

Hali wo, Yahudiyanuna kun-tigi siyaman dɛnkɛninyara Yisa ma. Kɔnɔ anu ma sisi a fɔla gbɛ rɔ Farisinuna ko la alako wonu kana anu gben dina-bɔn la.

Kɛlɛ-Kurugbɛnu 9:54

Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.

1 Samuwɛli 15:24

Wo kɔma, Mansa Sɔli ya a fɔ Samuwɛli ye ko, “Tonyɛ le wo la. N bara hakɛ kɛ. N bara hakɛ kɛ bawo n bara Marita kumɛnu tinya anubɛ itɛ. N kilanta nna kɛlɛ-dannu na woletɔ n ya a ma iko a di anu ye nya min.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.