Yɛrɛmaya 38:17 - ALLALA KUMƐ

¹⁷ N ya a fɔ Mansa Sɛdɛkaya ye ko, “Mari Sɛnbɛ-Bɛɛ-Tigi Isirɛlata Alla ko ni ile ya dɛgɛ min Babilɔn Mansɛla kɛlɛ-dannu ye, i si to i niyi la. Soe kɛ ti mintan wo rɔ. A ko wobɛ ila denbayɛ si kisi.

Yɛrɛmaya 38:17 Iomraidhean Croise

Ko-Dabirɛnu 12:13

I ni a fɔ anu ye ko nde tirisan-musi le ile la. I ni a ma, n ni kisi i fɛ. I ni a ma, anu ni n tabira a kin na!”

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Mansɛnu 25:27

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

1 Ko-Kɔrɔta-Karan 17:24

Wo si a ma, i mankan ni koloya ha duninya-mɔgɛ bɛɛsi ni a fɔ ko ile Mari Sɛnbɛ-Bɛɛ-Tigi ye Allayɛ la Isirɛla mɔgɛnu kun na, ado i ti mansayɛ bɔ nta bɔn la mumɛ!

Ɛsira 9:4

N tora sigini nyɔ ha wurala-saraka-bɔ-wati. Mɔgɛnu nara anu kinki n na, katarala minnu bara kilan ka a tɛgɛ Alla ara min fɔ mɔgɔ-birani-kɔrɛ wonuna hakɛla ko rɔ.

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yaburi 80:14

E, Alla Sɛnbɛ-Bɛɛ-Tigi, i kolan layigi ka bɔ Arinyɛni tɔ. I ya-lamunun ma la ka ma denkun. Na ita mɔgɛnu kisi.

Yaburi 80:7

Alla Sɛnbɛ-Bɛɛ-Tigi, sɛgi ma la tun! Kinikini ma ma alako ma si kisi nya min.

Yɛrɛmaya 27:12

Nde, Yɛrɛmaya ya kumɛ kɛ le nyɔgɔn fɔ Mansa Sɛdɛkaya ye Yuda nyamanɛ rɔ. N ya a fɔ a ye ko, “I ni i nyɛrɛ latenbi Mansa Nɛbukanasa ma. Ni wobɛ ila mɔgɛnu wɔlita ale mansɛ anubɛ ala mɔgɛnu ye, wo si to wo niyi la

Yɛrɛmaya 27:17

A ko wo kana wo tole masɔ foninya-nɛbi wonu na mumɛ! A ko wo ni wɔli Babilɔn mansɛ ye alako wo ni to wo niyi la. Hali wo ma ko ladan min si a ma, Yerusalɛm ni kasara.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 38:2

Mari ara a fɔ n ye ko mɔgɔ-wo-mɔgɔ tora sigini Yerusalɛm soe burɔ, a ma ta dɛgɛ min Babilɔn kɛnu ye, ni wo tigi ma faga kɛlɛ bolo, a si faga kɔnkɛ bolo, ni wo ma, kirayɛ bolo. Mɔgɔ-wo-mɔgɔ tara dɛgɛ min anu ye, wo tigi ti faga. Anubɛ a niyi dɔrɔn de ye tola.

Yɛrɛmaya 39:3

(Yerusalɛm birɛ anu bolo, Babilɔn mansɛla mɔgɔ-banu nara anu sigi tarɛ don-dɛ tɛmatɛ dafɛ. Mɔgɔ-ba wo donu denu bi kɛnu na, Nɛragali Sarisa, Samika Nibɔ, Sasakim, anubɛ Nɛragali Sarisa gbɛrɛ.)

Yɛrɛmaya 40:9

Kɛdalaya ya a keli anu ye ko, “Wo kana kilan ka dɛgɛ min Babilɔn kɛnu ye. Wo ni wo sigi nyamanɛ kɛ rɔ. Wo ni wɔli Babilɔn mansɛ kɔrɔ. Wo wara-koe si ta a kilɛ fɛ.

Yɛrɛmaya 44:7

Woletɔ ale Mari Sɛnbɛ-Bɛɛ-Tigi Isirɛlata Alla ya wo manyinika ko nfenna wo ye karagbɛlɛya su kɛ sigila wo nyɛrɛ la? Kei wo, musu wo, denni wo, den-pulan wo, wo ye a fɛ ka wo dama kasara, hali mɔgɔ-den-kelen ti to a niyi la, wa?

Isikiyɛli 8:4

N bi nyɔ tumɛ min, n ya Allata wan-takani-belebele-wɛ yen min bi a yirala ko Isirɛlata Alla ye nyɔ. N ya wan-takanɛ kelan wo le yen Kiba bɛ dafɛ ko-rayirɛ rɔ nun.

Emɔsi 5:27

a si wo don yɔɔnyɛ rɔ wo yogenu bolo Damasika soe kɔma. Mari Sɛnbɛ-Bɛɛ-Tigi kuman-kan le kɛ la.”