Yɛrɛmaya 38:14 - ALLALA KUMƐ

¹⁴ Lunyɛ do, Mansa Sɛdɛkaya ya n kele Bato-Bɔn don-da sawa nyɔgɛ la. A ko a ye n manyinikala, n ni tonyɛ fɔ a ye. N kana fenfen dogon a ma.

Yɛrɛmaya 38:14 Iomraidhean Croise

2 Samuwɛli 14:18

Mansɛ ya a fɔ a ye ko, “N bi i manyinikala ko kelen ma, ado fɔ i wa wo tonyɛ fɔ n ye.” Musi ko, “N tigi, i ya i miri fenfen ma, n manyinika wo la.”

1 Mansɛnu 10:5

Mansɛ ye dɔn-fen-sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

1 Mansɛnu 22:16

Kɔnɔ Mansa Ehabu ya a fɔ a ye ko, “N bara mɛ i makawandila iko siyaman, ni i ye kumala malebɛ Mari tɛma, fɔ i ni tonya-kunɛ fɔ n ye.”

2 Mansɛnu 16:18

Ale mansɛ ya ala waganɛ wo sɔ tinɛ labɔ Bato-Bɔn kata kɔma. Ale mansɛ si tenbi kan min ka don Mari Bato-Bɔn kata burɔ, a ya nyɔ lafaga. A ya wo bɛɛ ma alako a ni Asiriya Mansa Pulu hɛnɛ.

2 Ko-Kɔrɔta-Karan 18:15

Kɔnɔ Mansa Ehabu ya a fɔ a ye ko, “N bara mɛ i makawandila iko siyaman, ni i ye kumala malebɛ Mari tɛma, fɔ i ni tonya-kunanɛ fɔ n ye.”

Yɛrɛmaya 15:11

Mari ko a ye nde, Yɛrɛmaya latankala kɔrɔ le la. Kasarɛ anubɛ tɔrɔyɛ wa na, Mari ko a si a ma, n yogenu ni n manyinika ko n ni madiyali-kɛ anu ye.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Yɛrɛmaya 42:20

wo ara wo nyɛrɛ baya min si a ma, wo kunyɛ si to-a-rɔ. Wo ya n manyinika ko n ni mata Mari Alla madiya wo ye, ado wo ko a miriya ye ko-wo-ko ma, wo ye wonu denu kɛla.