Yɛrɛmaya 36:6 - ALLALA KUMƐ

⁶ Mɔgɛnu tenbi sunyɛ rɔ lunyɛ min, n bi a fɛ, i ni ta Bato-Bɔn la. I ni i kuli mayɛlɛ sɛbɛli wo karan tinɛ alako n ya Mari kuman-kan min fɔ a ye, i ya min sɛbɛ, anu ni wo lamɔɛn. Bɛɛ si a kan lamɔɛn kan min, i ni a karan nyɔ. Bɛɛ ni a lamɔɛn katarala Yuda kɛnu ma minnu bi bɔla so-mɛsɛnu tɔ.

Yɛrɛmaya 36:6 Iomraidhean Croise

Yɛrɛmaya 18:11

A ko n ni a fɔ wole, Yerusalɛm anubɛ Yuda nyamanita-mɔgɛ toe ye ko a ye kasarɛ rabɛn-tinɛ wo ye kaka. A ko wo ni wo fara wola karagbɛlɛya-koenu na wo ye min kun na kaka. Wo ni wola kɛ-nyanu yɛlɛma ka ko-latelennɛ kɛ.

Yɛrɛmaya 19:14

Wo kɔma, nde, Yɛrɛmaya bɔra Tofɛti lɛɛ rɔ, Mari ya n sɔ wɔlɔyiya-kumɛ fɔ-tinɛ kan min nun. N tara n sɔ kata burɔ Mari Bato-Bɔn la. N ya a fɔ mɔgɛnu ye ko

Yɛrɛmaya 26:2

Mari ya a fɔ nde, Yɛrɛmaya ye ko n ni ta sɔ Bato-Bon-kata burɔ. A ko n ni ala kumɛ kɛ bɛɛ latenbi wole ma minnu nara ka bɔ Yuda soenu tɔ batoli-kɛ-tinɛ. A ko n kana dan wo fenfen-fɔ-tinɛ.

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 36:4

Wo le ya a ma, n bara Nɛrayala den Baruki kele. Mari ya min bɛɛ fɔ n ye, a ya wo sɛbɛ gbole wo ma n ye.

Yɛrɛmaya 7:2

A ko n ni sɔ Mari Bato-Bɔn don-dɛ la. N ni kawandili kɛ bɔ nyɔ rɔ. Wole Yuda mɔgɛnu, wo ni wo tole masɔ Mari kuman-kan la. Wole minnu bi tenbila don-dɛ kɛ la ka na Mari bato-tinɛ, wo ni wo tole masɔ.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Kɛwɔlɛnu 27:9

Ma mɛra nyɔ ha yi-kuma-ta-koe mara masibɛ la, ado Hakɛ-Yamatogon-Ladiyɛ ara tenbi nun gbɛ, wo wati rɔ. Woletɔ Pɔli ya kulun-tawɔli-kɛlɛnu makawandi,