Yɛrɛmaya 36:5 - ALLALA KUMƐ

⁵ Wo kɔma, n ya a fɔ ale Baruki ye ko, “Anu sa sɔnna ko n ni ta Mari Bato-Bɔn la tun.

Yɛrɛmaya 36:5 Iomraidhean Croise

Nihɛmaya 6:10

A ma mɛ wo kɔma, n tara Dalayala den Sɛmaya kɔndɔn tinɛ, Mahatabɛli mamanɛ, kɔni. N ya a taran, dɛ latogonnɛ a ma bɔn la. Wo ya a fɔ n ye ko fɔ mabɛ ni ta ma dogon Bato-Bon Sɛnima Tinɛ rɔ. A ko ma ni wo dɛ balan ma ma nyɔ bawo anu bi nala n faga tinɛ. A ko anu bi nala n faga tinɛ su-wo-su rɔ gbɛ!

Yaburi 88:8

I wara a ma, n diyana-mɔgɛ bɛɛ ara n magboya. I wara a ma, anu bara nyima n tɔ. Anu bara n balan. N ti ke tala kan-bo-kan.

Yɛrɛmaya 20:2

a ya a ma, anu ya nde, Yɛrɛmaya gbesi ka n sa banban la kantɔ-don-dɛ dafɛ min tɔgɛ Bɛnyamɛ Mari Bato-Bon-kata burɔ.

Yɛrɛmaya 32:12

ka wonu don Baruki bolo. (Baruki wo fa tɔgɛ le Nɛraya. A benba tɔgɛ le Meyaseya.) N ya kɛdi wonu don a bolo Hanamɛli anubɛ ma sereyɛnu yala. Wo donu tɔgɛ sɛbɛnɛ kɛdi wonu tɔ anubɛ Yahudiya minnu siginɛ kata burɔ nyɔ.

Yɛrɛmaya 32:2

Wo ya a taran, Babilɔn kɛlɛ-dannu bi Yerusalɛm kɛnu kɛlɛla. Anu ya nde, Yɛrɛmaya sa yele la mansɛla bolɔn la kata burɔ Yuda nyamanɛ rɔ.

Yɛrɛmaya 33:1

N bi yele la kata burɔ tumɛ min, Mari kumara n ye tun.

Yɛrɛmaya 37:15

Anu nyɛɛra n ma dɔgɔma-ma-de! Anu ya n gbesi ka n nadon mansɛla sɛbɛli-kɛla Yonatanna bɔn la min bi yeleyɛ la gbɛ!

Yɛrɛmaya 38:28

Anu ya n namara n gbɛ rɔ kata burɔ nyɔ ha anu nara Yerusalɛm soe bira lunyɛ min.

Yɛrɛmaya 38:6

Anu ya n nayigi yili la mansɛla den Malakiyala kɔlɔn rɔ kata burɔ mansɛla bolɔn la. Wo ya a taran, a ragbalanɛ fɔ bore min bi nyɔ. N yigira bore wo rɔ pirin!

Yɛrɛmaya 40:4

Hali wo, n si yɔlɔkɛ bɔ i bole la bi ka i boloka. Ni a sɔgɛ ye i la ka ta n fɛ Babilɔn, n si i fɛ-bira. Ni ta-sɔgɔ sa i la, tana ma. Nyamanɛ kɛ kan-bo-kan diyara i ye, i si ta nyɔ.”

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Ɛfɛsa 6:20

Bawo hali n bi yele la kaka, kilayɛ le n na kibara-nyimɛla ko la. Woletɔ wo ni Alla matara n ye ko n ni kuma yisi-latɛgɛ rɔ iko a bɛnnɛ n ni kuma nya min.

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.