Yɛrɛmaya 36:4 - ALLALA KUMƐ

⁴ Wo le ya a ma, n bara Nɛrayala den Baruki kele. Mari ya min bɛɛ fɔ n ye, a ya wo sɛbɛ gbole wo ma n ye.

Yɛrɛmaya 36:4 Iomraidhean Croise

Aiseya 30:8

Bawo mɔgɛnu sɔn yogo, Alla ko nde, Aiseya ni anu sɔn-yogomɛ wonu sɛbɛ alako wo la ni mara habadan!

Aiseya 8:1

Mari ya a fɔ nde, Aiseya ye tun ko n ni walan-belebele do bi ka sɛbɛli gbode-gbode do kɛ a ma. A ko n ni a sɛbɛ ko, “Kankan anubɛ bumalɛ si na tiriya!”

Yɛrɛmaya 25:13

Mari ara kasarɛ minnu bara-koe fɔ sibolo-gbɛrɛnuna ko la, wonu fɔra nde, Yɛrɛmaya ye, ado wo sɛbɛra buku kɛ rɔ. A ko a si Babilɔn tinya kasarɛ wonu na.

Yɛrɛmaya 32:12

ka wonu don Baruki bolo. (Baruki wo fa tɔgɛ le Nɛraya. A benba tɔgɛ le Meyaseya.) N ya kɛdi wonu don a bolo Hanamɛli anubɛ ma sereyɛnu yala. Wo donu tɔgɛ sɛbɛnɛ kɛdi wonu tɔ anubɛ Yahudiya minnu siginɛ kata burɔ nyɔ.

Yɛrɛmaya 36:14

Mɔgɔ-ba wonu ya Yɛhudi sɔ Baruki kele-tinɛ ko a ni na sɛbɛli-kɛnɛ wo la. (Yɛhudi kɛ, wo fa tɔgɛ le Nɛtanaya. Wo fanan fa tɔgɛ le Sɛlimaya. Sɛlimaya wo fanan fa tɔgɛ le Kusi.) Baruki tara gbolo-sɛbɛnɛ wo la.

Yɛrɛmaya 36:21

Wo kɔma, mansɛ ya Yɛhudi sɔ gbole wo bi-tinɛ. A tara a bi Ilasamala konko la ka wo karan mansɛ anubɛ ala mɔgɔ-banu ye minnu kinkinɛ a la nyɔ.

Yɛrɛmaya 36:23

A wa ban kan-tina-kundi min karanna, mansɛ ni nyɔ tɛgɛ muru-nɛ la ka a labui tɛ rɔ. A banta gbole wo tɛgɛla a la wo nya na le ka a bɛɛ mintan gburr!

Yɛrɛmaya 36:26

Wo kɔma, ale mansɛla den Yɛramɛli wo, Asireyɛlila den Sɛraya wo, Abidilila den Sɛlimaya wo, mansɛ ya kɛnu denu sɔ mabɛ Baruki bira-tinɛ. Kɔnɔ Mari ya ma dogon.

Yɛrɛmaya 36:27

Baruki ya Marita kumɛ min sɛbɛ gbole ma n ye, Mansa Yahoyakim ban gbole wo mintanna, Mari ya a fɔ n ye ko

Yɛrɛmaya 36:28

n ni ta gbolo-kurɛ bi. A ko min bɛɛ sɛbɛnɛ gbolo-fɔlɔtɛ ma nun, n ni wonu sɛbɛ-kura-kɛ tun.

Yɛrɛmaya 36:32

Woletɔ nde, Yɛrɛmaya ya gbole do bi ka a don nna sɛbɛli-kɛlɛ bolo. A ya wo bɛɛ sɛbɛ tɛrr! Wo le ya a ma, min bɛɛ sɛbɛnɛ gbolo-fɔlɔtɛ ma wo, anubɛ n ya min fɔ tɔ-a-la wo, Baruki ya wo bɛɛ sɛbɛ tun.

Yɛrɛmaya 36:6

Mɔgɛnu tenbi sunyɛ rɔ lunyɛ min, n bi a fɛ, i ni ta Bato-Bɔn la. I ni i kuli mayɛlɛ sɛbɛli wo karan tinɛ alako n ya Mari kuman-kan min fɔ a ye, i ya min sɛbɛ, anu ni wo lamɔɛn. Bɛɛ si a kan lamɔɛn kan min, i ni a karan nyɔ. Bɛɛ ni a lamɔɛn katarala Yuda kɛnu ma minnu bi bɔla so-mɛsɛnu tɔ.

Yɛrɛmaya 43:3

Nɛrayala den Baruki le wara i latugu ma kan ma alako Babilɔn kɛnu ni ma bira ka ta ma la anu barɛ, ni wo ma, ka ma faga.”

Yɛrɛmaya 51:59

Mansa Sɛdɛkayata fɛ-biralɛ le Nɛrayala den Sɛraya la. Wo benba tɔgɛ le Meyaseya. Sɛdɛkayala san nani nyɔgɛ mansayɛ la Yuda nyamanɛ kun na, anubɛ Sɛraya ye tala anu nyɔgɔn fɛ Babilɔn. Woletɔ nde, Yɛrɛmaya ya sarakanɛ kɛ don ale Sɛraya bolo.

Yɛrɛmaya 51:60

Kasarɛ anubɛ ko-gbɛrɛ minnu tabɛnnɛ Babilɔn kan ma, nde, Yɛrɛmaya ya wo bɛɛsi sɛbɛ buku do rɔ.

Isikiyɛli 2:9

N ya bole yen nala n telen tɔ, gbolo-masɛbɛnɛ ye a rɔ.

Daniyɛli 7:1

Bɛlisasata mansayɛ san fɔlɔtɛ Babilɔn nyamanɛ rɔ, Daniyɛli kiyora. Ko-rayirɛ minnu kera a ye kiyo wo rɔ wulɔn suyi rɔ, a ya wonu sɛbɛ.

Sakaraya 5:1

N ya n yɛ lata tun. N ya gbolo-lamininɛ yen tenbila san ma.

Romu 16:22

Nde, Tatiyasi min bi kɛdi kɛ sɛbɛla Pɔli ye, n bi wo kɔndɔnna Mari tɔgɔ rɔ.