Yɛrɛmaya 36:2 - ALLALA KUMƐ

² n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 36:2 Iomraidhean Croise

Ɛsira 6:2

Tɔ-a-la, anu ya mansɛ wo kan sɛbɛnɛ taran Akimita soe burɔ Midiya nyamanɛ rɔ. Min sɛbɛnɛ a rɔ, a ko,

Yobu 31:35

Mɔgɔ ti sɔn a tole masɔla nna kumɛ la n bi minnu fɔla, wa? N bara min bɛɛsi fɔ kɛ la, a ye mabɛ Alla tɛma ni tonya ma. Alamɛ Alla Sɛnbɛ-Bɛɛ-Tigi ya nna madiyali-kan lamɔɛn. N kuma-nyɔgɛnu bi kumɛ minnu fɔla n kun tɔ, ni wo bɛɛ sɛbɛnɛ le nun, n ni wo yen n yɛ la,

Yaburi 40:7

Woletɔ n ya a fɔ ko, “N bara na. I ye n karanna minnu na, wonu bi ila tɔn-buku rɔ.

Bɔ-Koe-Iyipiti 17:14

Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”

Aiseya 8:1

Mari ya a fɔ nde, Aiseya ye tun ko n ni walan-belebele do bi ka sɛbɛli gbode-gbode do kɛ a ma. A ko n ni a sɛbɛ ko, “Kankan anubɛ bumalɛ si na tiriya!”

Yɛrɛmaya 1:10

Ka a dabira bi ma, n bara sibole anubɛ nyamanɛnu natenbi i ma. I si donu wurun ka donu fanka mayigi. I si donu kasara ka donuta mansayɛ bi anu bolo. I si donu sigi mansayɛ la ka donu sɔ fanka rɔ fanan.”

Yɛrɛmaya 1:5

yanni n ni ma mɔgɔni-finyɛ la n na burɔ, a ya n yabɔ. Yanni n ni sɔrɔn, a ya wɔli-gbɛrɛ dantɛgɛ n ma a dan na. A ya n ma nɛbi la sibole bɛɛ ye.

Yɛrɛmaya 1:9

Mari ban kɛ fɔla, a ya a kɔɛn lana ka a tugun n dɛ la. A ya a fɔ n ye ko, “I ma a yen, n bi nna kumɛnu donna i da rɔ.

Yɛrɛmaya 2:4

Wole Yakoba kegeyɛnu, wo ni wo tole masɔ Marita kumɛ la. Wole Isirɛla bɔnsɔn toe min tonɛ, kɔni, wo ni wo tole masɔ.

Yɛrɛmaya 25:3

ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 36:14

Mɔgɔ-ba wonu ya Yɛhudi sɔ Baruki kele-tinɛ ko a ni na sɛbɛli-kɛnɛ wo la. (Yɛhudi kɛ, wo fa tɔgɛ le Nɛtanaya. Wo fanan fa tɔgɛ le Sɛlimaya. Sɛlimaya wo fanan fa tɔgɛ le Kusi.) Baruki tara gbolo-sɛbɛnɛ wo la.

Yɛrɛmaya 36:18

Baruki ko, “Min bɛɛ sɛbɛnɛ gbole kɛ ma, Yɛrɛmaya kan le a bɛɛ la tɛrr!”

Yɛrɛmaya 36:23

A wa ban kan-tina-kundi min karanna, mansɛ ni nyɔ tɛgɛ muru-nɛ la ka a labui tɛ rɔ. A banta gbole wo tɛgɛla a la wo nya na le ka a bɛɛ mintan gburr!

Yɛrɛmaya 36:29

Mari ko n ni a fɔ Mansa Yahoyakim ye ko, “I wara gbolo-sɛbɛnɛ mintan, ado ka tenbi wo la, i wara nde, Yɛrɛmaya manyinika n bara a sɛbɛ minna ko la ko Babilɔn mansɛ si nyamanɛ kɛ kasara, a mɔgɔ wo, a kolo-fen wo.”

Yɛrɛmaya 36:6

Mɔgɛnu tenbi sunyɛ rɔ lunyɛ min, n bi a fɛ, i ni ta Bato-Bɔn la. I ni i kuli mayɛlɛ sɛbɛli wo karan tinɛ alako n ya Mari kuman-kan min fɔ a ye, i ya min sɛbɛ, anu ni wo lamɔɛn. Bɛɛ si a kan lamɔɛn kan min, i ni a karan nyɔ. Bɛɛ ni a lamɔɛn katarala Yuda kɛnu ma minnu bi bɔla so-mɛsɛnu tɔ.

Yɛrɛmaya 45:1

Yosayala den Yahoyakimta mansayɛ san nani nyɔgɛ ma Yuda nyamanɛ kun na, Baruki ya n kan wo bɛɛ sɛbɛ iko nde, Yɛrɛmaya ya a fɔ a ye nya min. Wo kɔma, n ya a fɔ a ye ko

Yɛrɛmaya 51:60

Kasarɛ anubɛ ko-gbɛrɛ minnu tabɛnnɛ Babilɔn kan ma, nde, Yɛrɛmaya ya wo bɛɛsi sɛbɛ buku do rɔ.

Isikiyɛli 2:9

N ya bole yen nala n telen tɔ, gbolo-masɛbɛnɛ ye a rɔ.

Hoseya 8:12

N bara tɔn-siyaman sɛbɛ wo ye nun kɔnɔ wo ye wo banna tɔn wonu na iko wo sa anu nya-yenna.

Tɔn-Fɔɛ-Fila-Nyɔgɛ 31:24

Musa ya Marita tɔn-kitabu sɛbɛ. A ya a sɛbɛ a fɛrɛma alako a kana nyina fenfen ko.

Hiburunu 10:7

Wo kɔma, Yisa ko, “E, Alla, i ma n yen, iko a sɛbɛnɛ nna ko la ila kitabu rɔ nya min, n bara na i sako-kɛ-tinɛ.”