Yɛrɛmaya 34:16 - ALLALA KUMƐ

¹⁶ Wo kɔma, wo ya wo miriya yɛlɛma tun ka a yira ko wo ma ale Mari gbiliya. Wo ara yɔɔn minnu boloka nun iko anu bi nyinina a ma nya min, wo ara wonu bira tun ka a lagbɛlɛya anu kuma.

Yɛrɛmaya 34:16 Iomraidhean Croise

Bɔ-Koe-Iyipiti 20:7

“Mɔgɔ kana n tɔgɛ ratɛgɛ fufafui la. Ni min ya wo ma, n si wo tigi tɔrɔ.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 20:39

“Nde, wo Tigi Mari ko ko-wo-ko di Isirɛla mɔgɛnu ye, anu ni wo ma. Anu ni anu taya ka anuna bɛsɛnu kɔ. Kɔnɔ n bi anu makawandila koe kɛ kɔma, anu si n gbiliya worɔ, yɔ! Anu si fara n tɔgɔ-makawanɛ lafɛyala anuna bɛsi-kɔɛ fɛ.

Isikiyɛli 3:20

“Mɔgɔ-telennɛ wa don ko-yogoma-kɛ rɔ, n si gbɛrɛ lasigi a ye, a ni faga. Ni i ma wo tigi makawandi, a si faga a sɔn-yogomɛ wola ko la. N ti n miri a sɔn-nyimɛ wo ma tun muk, ado n si i bira wo yili la.

Isikiyɛli 39:7

N si a ma serr, nta Isirɛla mɔgɛnu si a lɔn ko n tɔgɛ sɛninyanɛ. N ti sɔn n tɔgɔ-lafɛya-koe ma tun. Wo wa ma tumɛ min, sibolenu si a lɔn wo rɔ ko nde, Mari le Isirɛlata Alla-sɛnimɛ la.”

Saraka-Masɔlɛnuta Tɔnnu 19:12

Wo kana wo gboro n tɔgɔ rɔ foninyɛ kuma bawo minnu bi wo mala, wonu si n tɔgɔ lafɛya. Nde, wota Mari Alla ya kɛ le fɔ wo ye.

Malakayi 1:12

Kɔnɔ a ko dɔntɛ minnu ma di wole ye, wo ye wo le bɔla. Wo ye a yirala a la ko ala saraka-mintan-tinɛ, fufafu le wo la. Bawo wo ye kɛnu mala, wo ye a lafɛyala kɛ-nya na le.

Malakayi 1:7

A ya a fɔ wo ye ko wo ye nala dɔn-fen-sɛninyabɛlɛ la a ye ata saraka-mintan-tinɛ kuma min kɛ, wo le ye a yirala a la ko a sɔgɔ la ara bɔ wo la. Wo kɔma, wo ya ale Mari manyinika tun ko, “Ma ma ale Mari gbiliya kilɛ nyamintan fɛ?” Mari ya wo yabi ko wole nyɛrɛ ara a yira a la ko ata saraka-mintan-tinɛ gbo wo ye.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.