Yɛrɛmaya 34:14 - ALLALA KUMƐ

¹⁴ san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Yɛrɛmaya 34:14 Iomraidhean Croise

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

1 Mansɛnu 9:22

Kɔnɔ Mansa Silamɛni ma sɔn Isirɛla mɔgɔ-wo-mɔgɔ mala yɔɔn la. Wonu taranta kɛlɛ denyɛ anubɛ kɛlɛ-kurugbayɛ anubɛ kɛlɛ-den-kun-tigiyɛ anubɛ so-laburilɛ anubɛ kirindi-laburi-wɔlɛ la.

2 Ko-Kɔrɔta-Karan 28:10

A sɔgɛ ye wo la, wo ni Yerusalɛm kɛnu anubɛ Yuda kɛnu ma wola yɔɔnnu na. Wo ma a lɔn ko wole Isirɛla kɛnu fanan bara hakɛ kɛ wota Mari Alla la, wa?

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 32:30

Ka a bi Isirɛla mɔgɛnu anubɛ Yuda mɔgɛnu bakuri ma, a ko anu ma fenfen ma fɔ ka a ladiminya.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Isikiyɛli 20:4

“Ile hadama-dan, i rabɛnnɛ ka anu tɔrɔ-koe fɔ anu ye, wa? Nba, i raya de! Anu hɛnkili bila ka a tɛgɛ anu benbanu ya kisimiriya koe minnu ma.

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Saraka-Masɔlɛnuta Tɔnnu 25:10

San bi-loli wo san bi-loli si ma san-yabɔnɛnu na minnu dantɛgɛnɛ nde, Mari ma. San wo la, bɛɛ halala-fen-kɔrɛ si sɛgi a tigi fɔlɔtɛ ma.

Emɔsi 2:6

“Mari ko wole Isirɛla mɔgɛnu, wole fanan ara hakɛ dan-natenbi, ado a si wo tɔrɔ, yɔ! Hali bolo-kolɔn minnu bi wo tɛma, wonu natelennɛ kɔnɔ hali sanbara-sɔnkɛ, anu ti ke wo sɔrɔnna. Wole ye bolo-kolɔn wonu mala yɔɔnnu na ka anu mayira ka a tɛgɛ anuna yilinɛnuna ko ma.

Emɔsi 8:6

Ma si dɔn-fen-tinyanɛnu dɛ lagbɛlɛya mɔgɛnu kuma. Fɛlɛtenɛ minnu ti ke sanbara-sɔnkɛ sɔrɔnna, ma si wonu nyini ka anu dɔndɔ alako ma si anu ma yɔɔnnu na nya min ka anu mayira bawo anu ti ke yili-sarɛ wonu sɔrɔnna.”

Romu 7:24

E, mɔgɔ-tɔrɔnɛ le nde la feu! Yon si n nakanan hakɛ ma min bi n halakila n fɛrɛ-bɔnkɛ kɛ rɔ?

Tɔn-Fɔɛ-Fila-Nyɔgɛ 15:1

Musa ya Mari kuman-kan latenbi Isirɛla mɔgɛnu ma ko, “San-wɔrɔnfila wo san-wɔrɔnfila wa tenbi, ni yili ye wobɛ mɔgɔ-wo-mɔgɔ tɛma, wo kana wo makele tun.

Tɔn-Fɔɛ-Fila-Nyɔgɛ 15:12

“Ni wo ta-nyɔgɛ Isirɛla mɔgɛ do ya a nyɛrɛ mayira a ta-nyɔgɛ Isirɛla mɔgɛ do ma iko yɔɔn, a mara kei la wo, a mara musu la wo, i kana a lawɔli ka tenbi san wɔrɔ la. A san wɔrɔnfila nyɔgɛ ma, fɔ i ni a boloka.

Tɔn-Fɔɛ-Fila-Nyɔgɛ 15:9

Hali a ya a taran, san wɔrɔnfilɛ kɛ ara gbɛrɛn, wo si yili boloka san min na, wo kana wo ban wo nyɔgɔn-dɔndɔ-koe ma. Hali miriya-yogoma-su wo kana na wo hɛnkili ma. Ni wo ya wo ban wo na-kelen-nyɔgɛnu dɔndɔ-koe ma, ni wo do ya a yasere-masa Allatala ye, wo tigi min ya karagbɛlɛyɛ sigi a la wo la, wo si yiliki sɔrɔn Alla bolo.