Yɛrɛmaya 34:13 - ALLALA KUMƐ

¹³ wole, ala mɔgɛnu ye ko a ya wo benbanu bɔ yɔɔnyɛ rɔ Iyipiti tumɛ min, a ya sarama-kan kiri anubɛ wo benbanu tɛma. A ko

Yɛrɛmaya 34:13 Iomraidhean Croise

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 24:3

Wo kɔma, Musa tara ka Marila kumɛ anubɛ ata tɔn kɛnu natenbi mɔgɛnu ma. Mɔgɛ bɛɛ ya a fɔ nya-kun-kelen ko, “Mari ara kumɛ min bɛɛsi fɔ, ma si wonu bira.”

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 7:22

A ko alele nara wo benbanu na ka bɔ Iyipiti nyamanɛ rɔ. A kumara anu ye tumɛ min, a ma saraka-mintan-ko-tɔn dɔrɔn di anu ma.

Tɔn-Fɔɛ-Fila-Nyɔgɛ 13:10

Wo ni a mabon kuri la bawo ale le ye kɛwuyɛ ladan-koe rɔ ka wo bɔ wo Mari Allata kilɛ fɛ min ya wole labɔ yɔɔnyɛ rɔ Iyipiti.

Tɔn-Fɔɛ-Fila-Nyɔgɛ 16:12

Wo ni tɔn kɛnu bira de bawo wo ni la a la ko wole fanan bi yɔɔnyɛ rɔ Iyipiti nyamanɛ rɔ nun.”

Tɔn-Fɔɛ-Fila-Nyɔgɛ 24:18

Wo ni wo miri ko wole fanan bi yɔɔnyɛ rɔ nun Iyipiti nyamanɛ rɔ kɔnɔ wota Mari Alla ya wo hɔrɔya. Woletɔ Mari Alla ya tɔn kɛnu di wo ma.

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 5:27

Mɔgɛ wo damasi tora nde, Musa kɔma ka a fɔ n ye ko, ‘Nba, ile ni yɛlɛ kɔnkɛ kuma. Ni mata Mari Alla ya min bɛɛ fɔ i ye nyɔ, i si na wo rakaran ma ye. Ma si ma tole masɔ i la ka kumɛ wonu bira.’

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Yasowa 24:17

Mata Mari Alla le Alla kelen pe la min ya ma benbanu bɔ yɔɔnyɛ rɔ Iyipiti nyamanɛ rɔ. Ma ya kabana-ko-wɛnu yen ma nyɛrɛ yɛ la wo tumɛ ma ye yilan-yilanna wulɛ rɔ. A ya ma tanka ma kɛlɛ-nyɔgɛnu ma ma tagamanta kan-tina min bɛɛ rɔ.

Kɛlɛ-Kurugbɛnu 6:8

Isirɛla mɔgɛnuta Mari Alla ya nɛbi do lana anu ma. A ya a fɔ ko, “Mari ko ale le ya wole labɔ yɔɔnyɛ rɔ Iyipiti ka wo lana yan.