Yɛrɛmaya 33:8 - ALLALA KUMƐ

⁸ A ko anu bara hakɛ min kɛ ale Mari la, a si anu sɛninya hakɛ wo ma. A si anu makoto anuna murutiyɛla ko la.

Yɛrɛmaya 33:8 Iomraidhean Croise

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 130:8

A si wole Isirɛla mɔgɛnu kisi wo hakɛ bɛɛ ma.

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 65:3

ka a tɛgɛ anu hakɛnuna ko ma. Ma hakɛnu ba nɔ-ko sɔrɔn ma ma, i si ma makoto.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Nimisa Koe 4:22

Yerusalɛm kɛnuta tɔrɔyɛ dan na ara tenbi. Mari ti sɔn anu ni ta biralɛ rɔ tun. Kɔnɔ lunyɛ do, a si wole Idɔm kɛnu tɔrɔ ka wo hakɛ labɔ gbɛ rɔ.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 36:33

“Nde, anu Tigi Mari ko n ba ban anu sɛninyala ka anu bɔ anu hakɛ rɔ, n si sɔn worɔ ko anu ni sigi anuna soenu tɔ tun ka anuna tonbɔnnu sɔ a kurɛ la tun.

Saraka-Masɔlɛnuta Tɔnnu 16:30

Saraka-masɔlɛ wo si sarakɛ kɛnu bɔ tele wo nyɛrɛ rɔ alako anu hakɛ yama si togon nya min. Wo kɔma, anu si sɛninya Mari yala iko tɔn ya a fɔ nya min.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.