Yɛrɛmaya 33:16 - ALLALA KUMƐ

¹⁶ Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Yɛrɛmaya 33:16 Iomraidhean Croise

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Yɛrɛmaya 50:7

Min ba ale Marita mɔgɛ kɛnu yen, wonu si anu mawulen. Anu yoge wonu kɛnɛna a fɔla ko, “Male ma ko-yogoma ma. Isirɛla mɔgɛ kɛnu bara bila Mari la min kɛ, woletɔ ma ara anu mawulen. Anu benbanu ya anu yigi sa Mari rɔ, ado a bɛnta, anu fanani ni Mari gbiliya nun.”

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Isikiyɛli 48:35

Tarɛ wola foolɛ bɛnta mɛli wɔrɔ ma. Ka a dabira wati kɛ ma, soe kɛ si to kelela, ‘Mari ye yan.’ ”

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Romu 11:26

Isirɛla mumɛ bɛɛ si kisi nya min, wo le kɛ la. Iko a sɛbɛnɛ Allala kitabu rɔ nya min, a ko, “Kunkalɛ si bɔ Yerusalɛm. A si ko-yogomɛ bɛɛ ban Yakoba bɔnsɔn rɔ.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.