Yɛrɛmaya 32:41 - ALLALA KUMƐ

⁴¹ A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

Yɛrɛmaya 32:41 Iomraidhean Croise

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 62:4

Mɔgɛnu ti wo kele tun ko, “Allata Mɔgɔ-Bolokanɛnu.” Mɔgɛnu ti wola nyamanɛ kele tun ko, “Allata Nyamani-Halakini-Kɔrɛ.” Anu si wo kele ko, “Alla Diyana-Mɔgɛnu.” Wola nyamanɛ si kele ko, “Allata Kɔɛn-Kurɛ.” Wo dama ye mala le bawo wo di Mari ye. Wola nyamanɛ si taran a bolo iko musi ye taranna ala kei bolo nya min.

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Yɛrɛmaya 18:9

A ko tuma-gbɛrɛkɛ si na, a si sibolo doi wara-koe fɔ. Tumado a si sibole do lasɔ ka a ragbɛlɛya gbon!

Yɛrɛmaya 24:6

A ko a si anu fɛ-bira ka anu nasɛgi nyamanɛ kɛ rɔ tun. A ko a si to anu wara-koe mayɛlɛla, a ti anu wara-koe mayigi. A si anu nama-a-la, a ti anu bɔ nyɔ iko mɔgɛ wa fen ki, a ti anu wurun tun.

Yɛrɛmaya 31:28

Iko a ye wole wurunna nya min ka wo labui ka wo kasara ka wo bunden, a ko a ye wo wara-koe sɔla fanka rɔ wo nya na le.

Isikiyɛli 36:36

Wo kɔma, sibolo-gbɛrɛ minnu bi tola anuna foolɛ rɔ, wonu si a yen ko nde, anuta Mari ara tonbɔn wonu sɔ ka anuna sɛnɛnu nasɛgi anu gbɛ rɔ. Nde, anu Tigi Mari ara kɛ latɛgɛ ko n si kɛ ma, ado fɔ n ba kɛ ma, yɔ!

Hoseya 14:5

N si diya wole, Isirɛla mɔgɛnu ye iko bandɛ wa kɛ dugu-gbalanɛ ma. Wo si ma iko kɔlɔma min bara fere bɛrɛkɛ! Wo si banban iko Lɛbanan kɔlɔma min suli yiginɛ pon!

Emɔsi 9:15

A ko a si ala mɔgɛnu ki anu halala-nyamanɛ rɔ. A ko anu ti wurun nyɔ ma tun. Mari kan le wo la.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Tɔn-Fɔɛ-Fila-Nyɔgɛ 28:63

Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.

Tɔn-Fɔɛ-Fila-Nyɔgɛ 30:9

Wota Mari si ata duwɛ layigi wo kuma koe bɛɛ rɔ. Wo si den-siyaman sɔrɔn, wola kolo-fannu si siyaya, wola ki-fannu si sabati wo bolo kosɛbɛ! Fɔlɔ nun, wota Mari Alla sewara ka fen-siyaman di wo benbanu ma. A sewanɛ fanan si fen-siyaman di wole fanan ma wo nya na le.