Yɛrɛmaya 32:3 - ALLALA KUMƐ

^3-5 Mari ko a si a ma, Babilɔn mansɛ ni Yerusalɛm bira. A ko ale Mansa Sɛdɛkaya kunyɛ ti bɔ a rɔ. Anu si a bira ka a don Babilɔn mansɛ bolo. Anu ya-den filɛ si bɛn ka kuma anu nyɔgɔn na. Mari ko anu si ta ale mansɛ la Babilɔn, ado a ko a si to nyɔ ha ale Mari ni a sako kɛ a la. Hali a ya Babilɔn kɛlɛ-dannu kɛlɛ a kun da filɛ la, a ko a ti anu nɔ. Mari kan le kɛ la. Ale mansa Sɛdɛkaya ya n sa yele la bawo n bara Mari kan kɛnu natenbi nun.

Yɛrɛmaya 32:3 Iomraidhean Croise

2 Ko-Kɔrɔta-Karan 28:22

Tɔrɔyɛ fafara Mansa Ehasi kuma tumɛ min, wo ya a ma, a ya hakɛ kɛ Mari la ka a dan-natenbi.

Bɔ-Koe-Iyipiti 5:4

Iyipiti mansɛ ya a fɔ Musa anubɛ Aruna ye ko, “Nfen ya a to, wole ye mɔgɛnuna wɔlɛ tinyana? Ado nfan, Hiburu wɔli-kɛlɛnu siya ma ko! Wo ni anu nasɛgi wɔli-kɛ-tinɛ!”

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 21:3

Mari kumara n ye. Woletɔ n ya a fɔ Mansa Sɛdɛkayala kilayɛnu ye ko

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 34:21

Ale Yuda Mansa Sɛdɛkaya anubɛ ala mɔgɔ-banu faga-sɔgɛ ye a yoge Babilɔn kɛlɛ-dan minnu na, a ko a si wonu don wonu bolo. Wonu bara anu fara wo kɛlɛ la, a ko a si wo kunyɛ don wonu bolo.

Yɛrɛmaya 36:29

Mari ko n ni a fɔ Mansa Yahoyakim ye ko, “I wara gbolo-sɛbɛnɛ mintan, ado ka tenbi wo la, i wara nde, Yɛrɛmaya manyinika n bara a sɛbɛ minna ko la ko Babilɔn mansɛ si nyamanɛ kɛ kasara, a mɔgɔ wo, a kolo-fen wo.”

Yɛrɛmaya 37:4

Wo ya a taran, anu ma n nadon bɛ yele la nun. N bi n nyɛrɛ le bolo nun.

Yɛrɛmaya 38:18

Kɔnɔ a ko ni i ma sɔn dɛgɛ minna mumɛ, soe kɛ kunyɛ si don Babilɔn kɛnu bolo. Anu si a mintan gburr, ado ile kunyɛ ti bɔ a rɔ.”

Yɛrɛmaya 38:3

N bara mɛ a fɔla anu ye nun ko Mari ye anu donna le Babilɔn kɛnu bolo minnu si soe wo bira, yɔ!

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Yɛrɛmaya 38:8

Woletɔ Ibɛdi-Milɛki tara a fɔ mansɛ ye nyɔ ko,

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Nimisa Koe 1:14

“Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Emɔsi 7:13

I kana ila wɔlɔyiya-kumɛnu fɔ male warɛ Bɛtɛli soe kɛ burɔ yan tun. Mata mansɛ warɛ le yan na, ado a si Alla bato yan de fanan.”

Luka 20:2

Anu ya a manyinika ko, “I ye koe kɛnu kɛla sɛnbɛ min na, wo fɔ ma ye! Yon ya sɛnbɛ kɛ di i ma?”