Yɛrɛmaya 32:24 - ALLALA KUMƐ

²⁴ “Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 32:24 Iomraidhean Croise

2 Samuwɛli 20:15

Yohabula kɛlɛ-dannu ya a lamɔɛn min kɛ ko Siba ye nyɔ rɔ, anu tara bui soe wo ma. Anu ya bɔnkɛ ladɛn tarɛ kɔma alako anu ni yɛlɛ tarɛ ma ka yigi a burɔ. Wo kɔma, anu ya denkɛ sin tarɛ kɔrɔ alako tarɛ wo ni bui.

Aiseya 37:33

Nde, Nɛbi Aiseya ya a fɔ Mansa Hɛsakaya ye tun ko, “Mari ara kɛ le fɔ Asiriya mansɛ wara-koe rɔ ko a ti a kunyɛ ladon soe kɛ burɔ. A ko ka kalabɛn kelen bɛrɛn nakɛ soe burɔ yan, wo ti ma tun. Hali ala kɛlɛ-dannu ti gbɛrɛn soe ma tun! Hali ka bɔnkɛ ladɛn tarɛ fɛ anu si yɛlɛ min ma, wo ti ma anu bolo muk!

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 20:5

Mari ko a si wola so-karantan kɛ fen-kolomɛnu di wo yogenu ma Babilɔn nyamanɛ rɔ. Wola mirannu wo, wola mansaya-fen-kolomɛnu wo, wo si foo wo dama la.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 29:17

Mari Sɛnbɛ-Bɛɛ-Tigi ko kɛlɛ-fitini wo, kɔnkɔ-fitini wo, kiraya-fitini wo, a si wonu nata Yerusalɛm kɛnu ma kaka. A ko a si anu ma iko toro-gbɔ-tulunɛ minnu ti dɔn tun.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 32:25

ado ma Tigi Mari, hali anu bi soe kɛ bira-koe rɔ, ile le ya a fɔ n ye ko n ni dugi kɛ san sereyɛnu yala.”

Yɛrɛmaya 32:28

A ko a si soe kɛ latenbi Babilɔn Mansa Nɛbukanasa anubɛ ala kɛlɛ-dannu ma. Anu si soe bira

Yɛrɛmaya 32:3

Mari ko a si a ma, Babilɔn mansɛ ni Yerusalɛm bira. A ko ale Mansa Sɛdɛkaya kunyɛ ti bɔ a rɔ. Anu si a bira ka a don Babilɔn mansɛ bolo. Anu ya-den filɛ si bɛn ka kuma anu nyɔgɔn na. Mari ko anu si ta ale mansɛ la Babilɔn, ado a ko a si to nyɔ ha ale Mari ni a sako kɛ a la. Hali a ya Babilɔn kɛlɛ-dannu kɛlɛ a kun da filɛ la, a ko a ti anu nɔ. Mari kan le kɛ la. Ale mansa Sɛdɛkaya ya n sa yele la bawo n bara Mari kan kɛnu natenbi nun.

Yɛrɛmaya 32:36

Isirɛlata Mari Alla ya a fɔ nde, Yɛrɛmaya ye ko n ya a fɔ ko kɛlɛ wo, kɔnkɔ wo, anubɛ kirayɛ si a ma, soe kɛ ni sa Babilɔn mansɛ bolo tɔ. A ko n ni n tole masɔ ata kumɛ kɛ la.

Yɛrɛmaya 33:4

Isirɛlata Mari Alla ko anu yogenu bi tarɛ tuntunna bɔnkɛ la soe kɔma anu kɛlɛ-koe la min kɛ, wo ya a ma, Yerusalɛm kɛnu bara anuna bɔnnu anubɛ Yuda mansɛla bolɔn tii alako anu si tarɛ wonu tagbɛlɛya nya min.

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Yɛrɛmaya 52:4

Wo le ya a ma, Nɛbukanasa nara ala kɛlɛ-dannu na ka bui Yerusalɛm soe ma. Wo mara Mansa Sɛdɛkayala mansayɛ san kɔnɔntɔ, a karɛ tan, a tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

Yɛrɛmaya 52:6

A san tan-ni-kelen-nyɔgɛ, a karɛ nani, a tele kɔnɔntɛ ma, Babilɔn kɛnu kera tarɛ punsɔgɔla ka don, ado wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nakorɔ-kilɛ la. Tarɛ kun-da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 21:22

Nba! Kalabɛn min bi a bolo-nyimɛ rɔ, wo ya Yerusalɛm kilɛ yira a la. Wo ye a fɔla a ye ko a ni tarɛ da-keri-fan sɔ Yerusalɛm soe kan ma. Wo kɔma, ale mansɛ si to worondola ka kɛlɛ-matɔgɔ-kumɛnu fɔ. A si bɔnkɛ layɛlɛ soe wo tarɛ ma alako mɔgɔ-siyaman ni yɛlɛ tarɛ ma kɛlɛ-kɛ-tinɛ soe wo burɔ.

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 26:8

Minnuna soenu sa yi dafɛ, wonu kunyɛ si to kɛlɛ rɔ bofe! Anu yogenu si bɔnkɛ ladɛn anuna tarɛnu ma alako anu si ke yɛlɛla tarɛ ma nya min anu kɛlɛ-koe la. Anuna nɛgɛ-walannu si ma Taya kɛnu yala iko dandan-gbɛlɛ-wɛ.

Isikiyɛli 4:2

Wo kɔma, ka a yira ko kɛlɛ ye soe burɔ, i ni denkɛnu sin ala foolɛ rɔ. I ni bɔnkɛ layɛlɛ a tarɛ ma. I si kɛlɛ-dagɛnu nadan ala foolɛ rɔ ka tarɛ-da-keri-kɔlɔmanu sɔ don-dɛnu dafɛ.

Habakuku 1:10

Anu si nyamani-tiginu nafɛya. Anu ma mɔgɔ-banu lɔn fenfen na. Ni anu ya tara-minini taran soe min ma, anu si bɔnkɛ ladɛn wo fɛ ka yigi a burɔ tiriya!

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!