Yɛrɛmaya 32:20 - ALLALA KUMƐ

²⁰ Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

Yɛrɛmaya 32:20 Iomraidhean Croise

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

1 Ko-Kɔrɔta-Karan 17:21

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn ka ke duninya tonke bɛɛ rɔ. I ya ila mɔgɛ minnu kunyɛ bɔ gbaran rɔ Iyipiti kɛnu bolo, wonu taranta tala yarɔ nya min, i tora sibolo-gbɛrɛnu gbenna anu yarɔ wo nya na le.

Nihɛmaya 9:10

I ya kabana-koenu nadan Iyipiti mansɛ kan ma ka wonu nadan Iyipiti kun-tiginu anubɛ nyamanita-mɔgɛnu kan ma. I ya wo ma le bawo i wara ila mɔgɛnuna tɔrɔya-nya yen anu bolo. I kɛ-nya le ya a ma, i ya tɔgɛ sɔrɔn, ado ha bi, i mankan ye nyɔ.

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 135:9

A ya kabana-ko-siyaman ma Iyipiti nyamanɛ rɔ. A ya tɛ ragbɔngbɔn Iyipiti mansɛ anubɛ ala nyamanita-mɔgɛnu ma.

Bɔ-Koe-Iyipiti 10:2

N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”

Bɔ-Koe-Iyipiti 3:20

N si nta ko-makilannɛnu yira Iyipiti mɔgɛnu na ka anu tɔrɔ. Wo kɔma, ale mansɛ si wo boloka.

Bɔ-Koe-Iyipiti 7:3

N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.

Bɔ-Koe-Iyipiti 9:16

N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Aiseya 63:14

Marita Ni-Sɛnima sɔra anu yarɔ ka ta anu na anu sulen tinɛ iko ninkinu tenbi kɔnkɛ yigila ka ta bin nɔrɔnnɛ magbenna. Mari, i sɔra ila mɔgɛnu yarɔ wo nya na le. Ko-sufa kɛnu denu ya a ma, i mankan tara wuu!

Yɛrɛmaya 13:11

Iko kufama gbɛrɛnnɛ mɔgɛ ma nya min, Mari ko a ye a fɛ nun wole, Isirɛla mɔgɛnu anubɛ Yuda mɔgɛnu ni wo gbɛrɛn a ma wo nya na le. A ko a ya wo ma le alako wo ni ma a halalɛ la. Mankan wo, gbiliyɛ wo, matɔgɛ wo, anu si a ma, ale Mari ni wo bɛɛ sɔrɔn mɔgɛnu bolo. Kɔnɔ a ko wole, ata mɔgɛnu ma sɔn wo tole masɔla a la.

Daniyɛli 6:28

Daniyɛli wara-koe sabatira Mansa Dariyasi anubɛ Pasiya kɛ Mansa Sairasita wati rɔ.

Daniyɛli 9:15

“E, ma Tigi Alla, i nara ila mɔgɛnu na ka bɔ Iyipiti nyamanɛ rɔ tumɛ min, i ya ita sɛnbɛ-makawanɛ yira anu na wulɔn. Ha bi, ma ye ma mirila ita kabana-ko-sɛnbɛ wo ma. Kɔnɔ hali wo, ma ara hakɛ kɛ ka karagbɛlɛyɛ sigi i la.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Tɔn-Fɔɛ-Fila-Nyɔgɛ 11:3

Ata kabana-koenu kolo fanan. A ya min ma Iyipiti nyamanɛ anubɛ a mansɛ la, wo ya wo yen wo nyɛrɛ yɛ la.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 6:22

Ma ya Marita kabana-koenu yen ma nyɛrɛ yɛ la nyɔ anubɛ a ya ko-makilannɛ minnu ma Iyipiti mansɛ anubɛ ata mɔgɛnu na.

Tɔn-Fɔɛ-Fila-Nyɔgɛ 7:19

Wo ni wo miri tɔrɔya siyamɛ wonu ma Mari ya min sigi anu ma wo fanu yala. Wota Mari Alla ya ata kabana-koenu anubɛ ata fanka mayira ka wo kunka. A ya Iyipiti mɔgɛnu kasara nya min, wo kilannɛ Kenan nyamanita-mɔgɛ minnu na, a si wonu fanan kasara wo nya na le.