Yɛrɛmaya 31:9 - ALLALA KUMƐ

⁹ A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yɛrɛmaya 31:9 Iomraidhean Croise

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

Yaburi 107:7

Anu bi tala sigila soe min tɔ, a ya so-ta-kila-telennɛ yira anu na.

Yaburi 23:2

A ye a mala, n bi n diya iko sagɛ tenbi bin-kuran rɔ. A ye yi-diyamɛnu-tina yirala n na.

Yaburi 89:27

Ile Alla si a fɔ worɔ ko, “Nna sarɛ le ile la. I kolo mansɛ bɛɛ ko.”

Bɔ-Koe-Iyipiti 4:22

I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 43:20

A ko yi-wa sa nyɔ kuma male ata mɔgɛnu ye, hali bintɔ-sogenu si a gbiliya. Sulukinu anubɛ selekonanu si a gbiliya.

Aiseya 45:11

Isirɛlata Mari Alla-sɛnimɛ, yarɔ-koenu mabɛnnɛ ale min bolo, kɔni, wo ko yo sa wole bolo ka a manyinika ala dannuna ko ma. A bɛnnɛ a ni min ma, a ma bɛn wo ni wo fɔ a ye.

Aiseya 57:14

Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Aiseya 63:13

Mari nyɛrɛ ya ala mɔgɛnu natɛgɛ dugu-gbalanɛ ma yi tɛma. Anu tenbira iko bintɔ-soee min ti a kian latugu ka bui wula-da-rakolɔn rɔ.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Yɛrɛmaya 3:4

Kɔnɔ Mari ko wo ye a fɔla a ma ko kebi wo dennɛ, wo fa le ale Mari la, wo di min ye.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 50:4

Mari ko wo wati wa na tumɛ min, a Isirɛla ka wo, a Yuda ka wo, bɛɛ si sɛgi ale anuta Mari Alla ma diyi la anu bolo.

Hoseya 12:4

bawo anubɛ melika ya turunɛ kɛ. A ya melika wo nɔ. Wo kɔma, a dira ka wo madiya alako wo ni duwa a ye. San-dande tenbinɛ, Alla ya ale Yakoba taran Bɛtɛli soe burɔ ka ala kumɛ mabalan nyɔ,

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Malakayi 2:10

Wole Yuda mɔgɛnu, kɛmɔgɔni-kelan-sɔrɛ le ma dama la. Alla kelen de ya ma dama ladan. Ni tonyɛ le wo la, nfenna ma si mala lanyiri tinya ma nyɔgɔn bara la? Nfenna Alla ya sarama-kan min kiri ma benbanu ye, ma si tɛgɛ wo rɔ?

Yilan-Yilan Koe 2:18

“Nde, Marita bɔn tele-yigi wara la, bɔnsɔn filɛ minnu bi nyɔ, wonu bi Ifɛrɛm bɔnsɔn kɔrɔ. Ifɛrɛm bɔnsɔn ya wonu dafa bɔnsɔn sawa ma. Bɔnsɔn sawɛ wonu nakofunɛ, wo le Ifɛrɛm bɔnsɔn anubɛ a kebilɛnu na. Anuna kun-tigi le Amihudila dan Ilasama la. Ifɛrɛm bɔnsɔn yatɛ bɛnta mɔgɔ waga bi-nani ani mɔgɔ kɛmɛ loli (40,500) ma. “Min tugunnɛ Ifɛrɛm bɔnsɔn la, wo le Manasa bɔnsɔn anubɛ a kebilɛnu na. Anuna kun-tigi le Pɛdasala dan Kamɛliya la. Manasa bɔnsɔn yatɛ bɛnta mɔgɔ waga bi-sawa, mɔgɔ waga fila ani mɔgɔ kɛmɛ fila (32,200) ma. “Min tugunnɛ Manasa bɔnsɔn la, wo le Bɛnyamɛ bɔnsɔn anubɛ a kebilɛnu na. Anuna kun-tigi le Kidiyɔnila dan Abidan la. Bɛnyamɛ bɔnsɔn yatɛ bɛnta mɔgɔ waga bi-sawa, mɔgɔ waga loli ani mɔgɔ kɛmɛ nani (35,400) ma. Bɔnsɔn sawɛ kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga segin ani mɔgɔ kɛmɛ kelen (108,100) ma. Anu tenbi tala tagama rɔ tumɛ min, wonu si bila Lifayi mɔgɛnu fɛ.”

Matiyu 3:3

Ado nfan, Nɛbi Aiseya taranta kumala Yɔni kɛ lela ko la nun. A ya a fɔ ko, “Mɔgɛ do ye gbele-gbelenna wulɛ rɔ. A ye a fɔla ko, ‘Bɛɛ ni kilɛ laka Mari ye. Bɛɛ ni kila latelennɛ ladan a ye.’ ”

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Romu 8:26

Allata Ni-Sɛnimɛ fanan bara na ka male sɛnbɛbɔnɛnu dɛnbɛ wo nya na le, ado ma si madiyali kɛ minna ko la, ma ma wo lɔn. Ata Ni-Sɛnimɛ ye kurunna Alla madiya tinɛ, ma ma min fɔ-nya lɔn.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Tɔn-Fɔɛ-Fila-Nyɔgɛ 14:1

“Bawo Mari Allata mɔgɛ le wole la, wo kana wo kunyɛnu sii ka wo fɛrɛnu mafarafara saya-koe kuma iko sibole doinu bi a mala nya min saya-di-kɛ tinɛ.

Tɔn-Fɔɛ-Fila-Nyɔgɛ 32:6

Wole mɔgɔ-fufafuyinu anubɛ hɛnkilibɔnɛnu, wo ya Mari sara wola fisiriwɔlitayɛ kɛ le la, wa? Wo fa anubɛ wo Dali-Mari le ale la min ya wole ma bɔnsɔn kelen na.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”