Yɛrɛmaya 31:8 - ALLALA KUMƐ

⁸ A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 31:8 Iomraidhean Croise

Yaburi 107:3

ka na wo la ka bɔ nyamani-gbɛrɛkɛnu tɔ. A tele-bɔɛ wara la wo, a tele-yigi wara la wo, a kantɔ-wara la wo, a dugula wara la wo, ata mɔgɛ bɛɛ nara le ka bɔ wo bɛɛ rɔ.

Yaburi 65:5

Ma ya a lɔn ko i ye mala madiyalɛnu yabila bawo ma ye nɔlɛ sɔrɔnna ma yogenu kuma. I ye kabana-koenu nadanna ma ye alako ma si kisi nya min. Duninya-mɔgɛ bɛɛ lanɛ ile la, hali minnu bi kɔgɔ-yi kɔma.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Yɛrɛmaya 16:15

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu a ara ma ranyɛnsɛn kan min,” ado Mari ko a si a ma, a ya nyamanɛ kɛ min di wo benbanu ma, wo ni sɛgi nyɔ rɔ tun, yɔ!

Yɛrɛmaya 23:3

A ko ala mɔgɛ toe minnu tonɛ, a si wonu kundɛn ka bɔ nyamani-gbɛrɛnu tɔ, a ya anu nakɛ a rɔ kan min. A ko a si anu nana anu benbanuna nyamanɛ rɔ. Anu si yiri furr, ka nyamanɛ kɛ lafa pen!

Yɛrɛmaya 23:8

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu, a ara ma ranyɛnsɛn kan min.” Wo si a taran, wo siginɛ wo halala-nyamanɛ rɔ.

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 3:12

A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 3:18

Wole Isirɛla mɔgɛnu anubɛ Yuda mɔgɛnu si na wo nyɔgɔn fɛ ka bɔ biralɛ rɔ kantɔ-findan ma. Wo si sɛgi wola nyamanɛ rɔ ale Mari ya min di wo benbanu ma ka nyɔ ma anu halala-nyamani-bɛrɛbɛrɛ la.

Isikiyɛli 20:34

N ba anu nadɛn kan-tina-kelen tumɛ min ka bɔ nyamani-gbɛrɛkɛnu tɔ anu tanyɛnsɛnnɛ kan minnu tɔ nun, n si nna yisi-bɔɛ anubɛ n sɛnbɛ yira anu na tumɛ wo le tɔ.

Isikiyɛli 20:41

N ba anu nadɛn ka bɔ nyamanɛ wonu tɔ anu tanyɛnsɛnnɛ kan minnu tɔ nun, n si anuna sarakɛnu bira worɔ. Sibole bɛɛ si a lɔn ko nde sɛnima.

Isikiyɛli 34:13

N si anu bɔ sibolo-gbɛrɛnuna nyamanɛ rɔ ka anu kundɛn kan-tina-kelen ka na anu na anuta nyamanɛ rɔ. N si na anu na Isirɛla kɔnkɛnu anubɛ a yi-nɛnu fɛ. N si anu de-nyini bin-nɔrɔnni-hakikɛ la.

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Maika 4:6

“Mari ko wati do ye nala, kɛlɛ tara ata mɔgɛ minnu na nun, a si mɔgɔ-tɔrɔnɛ wonu kundɛn kan-tina-kelen.

Sɛfanaya 3:19

A ko a na-wati ma fɛ-yan tun. A ko minnu bara wo rasɛ nun, a si wonu tɔrɔ. Fɛɛ ye minnu kian la, a ko a si wonu nakanan. Kɛlɛ tara min damasi la, a ko a si na wonu damasi la tun. A ko a si anuna miliyɛ yɛlɛma anu ye gbiliyɛ la. Duninya mumɛ bɛɛ si anu gbiliya.

Sakaraya 2:6

Wo kɔma, nde, Sakaraya ya Mari kuman-kan latenbi ala mɔgɛnu ma ko, “Mari ko a ara wo ranyɛnsɛn duninya-tonko-nanɛ bɛɛ rɔ kɔnɔ wo ni wo buri bɔla Babilɔn nyamanɛ rɔ ka sɛgi Yerusalɛm soe burɔ.

Matiyu 12:20

Fanka sa mɔgɛ min na, a ti tɔrɔya sa wo kuma. Yigi sa mɔgɛ min na, a ti wo yisi tinya. A si to ko-nyimɛ kɛla ha telenbagayɛ ni nɔlɛ kɛ.

Yɔni 21:15

Anu banta anu da-rakɛ la tumɛ min, Yisa ya Saimon Pita manyinika ko, “Saimon, Yɔnila dan, ila keninteyɛ tenbira ala karan-den-doi kɛnutɛ la, wa?” A ya a yabi ko, “Ɔnde, Mari, i ya a lɔn ko i keninɛ n bolo.” Yisa ya a fɔ a ye worɔ ko, “I ni nna mɔgɛnu fɛ-bira iko mɔgɛ si sagɛnu fɛ-bira nya min.”

1 Kɔrɛnti 8:10

Anu sɔndɔmɛ rafaganɛ koe kɛnu tɔ kɔnɔ wole ara hɛnkili sɔrɔn kɛnu ma. Ni anu ya wo yen soge dɔnna bɛsi-kɔ-tinɛ rɔ, wo si a ma, anu fanan ni soge wo dɔn.

Tɔn-Fɔɛ-Fila-Nyɔgɛ 30:4

Hali wo tara duninya-tonko-nanɛ bɛɛ rɔ, wota Mari Alla si wo kundɛn ka na wo la lanyiri-nyamanɛ rɔ.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.