Yɛrɛmaya 31:16 - ALLALA KUMƐ

¹⁶ Kɔnɔ Mari ko a ni a fara diyi la. Ale Resɛli ni a yɛ lafiran. A ko a ara wɔlɛ minnu kɛ ala dannu ye, a si a kɔndɔn sɔrɔn wo rɔ. Ala dan wonu si bɔ anu yogenuna nyamanɛ rɔ ka sɛgi anu halala-nyamanɛ rɔ.

Yɛrɛmaya 31:16 Iomraidhean Croise

Ko-Dabirɛnu 43:31

A ya a bira-a-rɔ ka a yɛ lafiran. A bɔra ka a fɔ ala wɔli-kɛlɛ ye ko, “Na dɔn-fan la ma ye.”

Ko-Dabirɛnu 45:1

Nba, Yuda ban kɛ fɔla, Yusufu ya a yen ko a ti ke a birala-a-rɔ tun ala wɔli-kɛlɛnu yala. A nyɛɛra ala wɔli-kɛlɛ wonu ma ko, “Wo ni wo bɔ yan.” Yusufu ye a nyɛrɛ rakala a kɔrɔnu na tumɛ min, mɔgɔ-gbɛrɛkɛ sa anu kurun tɔ fɔ anu gbansan!

2 Ko-Kɔrɔta-Karan 15:7

Kɔnɔ wo ni wo yisi gbɛlɛya ka wo kerinteya. Wo ya ko-nyima wo ko-nyima ma, wo si wo tɔnɛ sɔrɔn.”

Yaburi 126:5

Minnu si fen-fuyi kɛ yisi-tinyɛ rɔ, wonu denu si fen-tɛgɛ-kɛ sewɛ rɔ.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Makawandili Kumɛnu 9:7

Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Aiseya 40:10

Ma Tigi Mari ye nala maralɛ-kɛla sɛnbɛ la. A ara mɔgɛ min kunyɛ bɔ birɛ rɔ, a si na wonu na.

Yɛrɛmaya 23:3

A ko ala mɔgɛ toe minnu tonɛ, a si wonu kundɛn ka bɔ nyamani-gbɛrɛnu tɔ, a ya anu nakɛ a rɔ kan min. A ko a si anu nana anu benbanuna nyamanɛ rɔ. Anu si yiri furr, ka nyamanɛ kɛ lafa pen!

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 30:18

Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 30:3

A ko tumɛ do ye nala, a si koe bɛɛ lakinya iko a ye nya min nun fɔlɔ. Isirɛla mɔgɛnu wo, Yuda mɔgɛnu wo, a si sɛgi wonu na anu barɛ ka bɔ biralɛ rɔ. A ko a ya dugi min di anu benbanu ma, a si wo lasɛgi anu denu ma. A si to anu halalayɛ la. Mari nyɛrɛ kan le kɛ la.

Yɛrɛmaya 33:7

A ko a si a ma, Yerusalɛm anubɛ Yuda kɛ tomɛnu ni ma-a-la. A ko a si anu ma iko anu bi nya min nun fɔlɔ.

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Hoseya 1:11

Yuda bɔnsɔn-mɔgɛnu anubɛ Isirɛla bɔnsɔn-mɔgɛnu si na ma kelen na tun. Bɔnsɔn filɛ wonu si kun-tigi kelen yabɔ anu tɔ. Wo kɔma, anu si sabati ka ta yarɔ anuna nyamanɛ wo rɔ tun. Wasalɛ ye nala kɛla Yɛsɛreli tele min ma, tele wo si ma tele-makawanɛ la anu bolo.

1 Tɛsalonaika 4:14

Ma lanɛ a la ko Yisa fagara, wo kɔma, a wulita tun. Woletɔ Alla wa Yisa lana tun, ma lanɛ a la ko minnu dɛnkɛninyara Yisa ma anu bi anu kɛndɛ la tumɛ min, Alla si wonubɛ Yisa lana ka bɔ san-kole rɔ anu nyɔgɔn fɛ.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”