Yɛrɛmaya 31:12 - ALLALA KUMƐ

¹² Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Yɛrɛmaya 31:12 Iomraidhean Croise

Yaburi 130:4

Kɔnɔ i ye ma makotola alako ma kawanɛ ni to i ma.

Aiseya 1:30

Wo ye gbalala le iko yi sa kɔlɔma min kɔrɔ. Wo wɔnwɔlinyɔ si to iko nakɔɛ min yi sa kɛla.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 52:8

Wo ni wo tole masɔ. So-makandannɛnu bi a lawɔyɔla anu kulu-mayɛlɛnɛ la. Anu bi Mari yenna sɛgila Yerusalɛm anu nyɛrɛ yɛ la.

Aiseya 58:11

Mari si to sɔla wo yarɔ. Wo ye nyinina min ma, a si wo wasa maka wonu na. A si wo kolo gbɛlɛya fanan. Wo si ma iko yi ye sundi min kɔrɔ. Wo si ma iko tenke-gbalabɛlɛ.

Aiseya 60:20

Yili si kiri ita diminya-dan la. Ale Mari si ma ita wan-takanɛ la tolon! Wo si a laban ka tenbi tele anubɛ karɛtɛ la.

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 31:24

Mɔgɛnu si to siginɛ Yuda nyamanɛ anubɛ a soenu tɔ. Sɛni-salɛnu anubɛ kolo-fen-tiginu si taran nyɔ.

Yɛrɛmaya 31:25

Fanka sa minnu na, a si wonu kolo gbɛlɛya tun. Kɔnkɛ ara minnu bɔ anu su la, a si wonu buyi lafa.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 31:6

ado wati ye nala, so-kandannɛnu si anu dɛ bolobɔ Ifɛrɛm kɔnkɔ-nyamanɛ rɔ ko, “Ma ni ta mata Mari Alla bato Yerusalɛm soe burɔ wona.”

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Yɛrɛmaya 32:15

Mari Sɛnbɛ-Bɛɛ-Tigi, Isirɛlata Alla ko yarɔma, a bon wo, a dugu wo, a wɔli-kɛ-tina wo, wo dama si ma feri-kɛ-fan la tun nyamanɛ kɛ rɔ.”

Yɛrɛmaya 33:12

Mari Sɛnbɛ-Bɛɛ-Tigi ko nyamanɛ kɛ min manɛ wula-da-rakolɔn la nun, ado mɔgɛnu anubɛ kolo-fannu sa a rɔ, nyɔ si sabati. Saga-fɛ-biralɛnu si ta anuna sagɛnu na nyɔ rɔ tun.

Yɛrɛmaya 33:13

Saga-fɛ-biralɛnu si anuna sagɛnu dan tun. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ soenu tɔ. Anu si sagɛnu dan fanan Yuda nyamanɛ dugula soenu tɔ anubɛ gburukulinu bi nyamanɛ min tɔ.

Isikiyɛli 17:23

Isirɛla kɔnkɔ-layan-bɛ, kɔni. A si a matii ka a bolon-siyaman sɔ a ma. A si gbɔ ka ma sida-kɔn-hakikɛ la. Nyɔ si ma kona-su bɛɛ sigi-tinɛ la. Anu si to anu sigila a ninɛ la.

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 34:14

N si a ma, anu nafɛrɛnɛ ni to anu de-nyinina kɔnkɔ-tɛma-lɛɛnu tɔ Isirɛla nyamanɛ mumɛ rɔ.

Isikiyɛli 36:30

N si a ma, anuna sɛnita-fannu anubɛ anuna ki-fannu ni sabati alako anu kana na yarabi sibole doi wonu yala kɔnkɔ-fitinɛ bolo.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Hegayi 2:19

Wo ma a yen? Dɔn-fen sa wo bolo. Hali wola nɔnbɔ-kurinu anubɛ wola toro-kurinu anubɛ wola ɔlifi-kurinu sa gbɔla. Kɔnɔ ka a dabira kaka ma, Mari si ata duwɛ layigi wo kuma.”

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”