Yɛrɛmaya 30:18 - ALLALA KUMƐ

¹⁸ Mari ko a si wole, ala mɔgɛnu nasɛgi wo halala-nyamanɛ rɔ tun. A si kinikini wo kebilɛ bɛɛ ma. Yerusalɛm soe si sɔ a gbɛ rɔ tun. Mansɛla bolɔn si sɔ a gba-kɔrɛ rɔ tun.

Yɛrɛmaya 30:18 Iomraidhean Croise

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

1 Ko-Kɔrɔta-Karan 29:19

Mari, i ni yili-latɛgɛ di nna den Silamɛni ma. Wo si a ma, a ni ita kumɛ bira, ado n bara miran min bɛɛsi ladɛn Bato-Bɔn sɔ-koe rɔ, a si wonu bi ka bɔn sɔ i ye.”

Nihɛmaya 7:4

Yerusalɛm soe kolo kɔnɔ mɔgɛnu ma siya a rɔ, ado ma ma bon-siyaman sɔ wɛ.

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 102:14

Hali Yerusalɛm soe ara tinya, nyɔ di Isirɛla mɔgɛnu ye. Hali nyɔ ara tii bolo-wo-bolo, ala kinikinɛ ye Isirɛla mɔgɛnu tɔ.

Yaburi 122:7

Alamɛ yisi-kimɛ taranta Yerusalɛm tarɛ burɔ anubɛ mansɛla bolɔn mumɛ la.

Yaburi 48:13

Wo ni tarɛnu anubɛ wo nyɛrɛ-latanka-bɔnnu nakɔrɔsi. Wo ni kɛ ma alako wo si ke a rakaranna wola dannu ye.

Yaburi 48:3

Alla ara ata kanan-koe yira ma la so-latankanɛ wo rɔ.

Yaburi 78:69

Ala Bato-Bɔn min sɔnɛ sɛnbɛ rɔ iko a warɛ Arinyɛnɛ, a ya wo sɔ nyɔ le. A ya a sɔ fanka rɔ iko dugu-kole. A latankani de dɛɛ! Ko-wo-ko ti ma a la.

Yaburi 85:1

E, Mari, i wara kinikini ila nyamanɛ ma nun. I wara a ma, Isirɛla mɔgɛnu bara sabati tun!

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Yɛrɛmaya 23:3

A ko ala mɔgɛ toe minnu tonɛ, a si wonu kundɛn ka bɔ nyamani-gbɛrɛnu tɔ, a ya anu nakɛ a rɔ kan min. A ko a si anu nana anu benbanuna nyamanɛ rɔ. Anu si yiri furr, ka nyamanɛ kɛ lafa pen!

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 30:3

A ko tumɛ do ye nala, a si koe bɛɛ lakinya iko a ye nya min nun fɔlɔ. Isirɛla mɔgɛnu wo, Yuda mɔgɛnu wo, a si sɛgi wonu na anu barɛ ka bɔ biralɛ rɔ. A ko a ya dugi min di anu benbanu ma, a si wo lasɛgi anu denu ma. A si to anu halalayɛ la. Mari nyɛrɛ kan le kɛ la.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɛrɛmaya 31:38

Mari ko wati ye nala, ka a bi Hananɛli kan-tina-layan-bɛ ma ka ta ke don-dɛ ma min tɔgɛ “Tonke,” nyɔ mumɛ bɛɛ si sɔ tun ka ma ale Marita so-kunbɛ la, Yerusalɛm soe, kɔni.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 31:40

Anu bi furinu togonna lɛɛ min tɔ, ado a manɛ anu bolo sundu-kunyɛ la, ale soe si ta tele-bɔɛ wara la ha nyɔ. Anuna soe wo le ye bɔla sɔla nyɔ ma ka ta furr, ha Kidirɔn yi kɔgɔma. Soe wo le si ta fanan ka ta a labɔ Yerusalɛm don-dɛ la min tɔgɛ, “Soee.” Tɛngbɛnya wo dama si ma Marita so-sɛnimɛ la. A ko nyɔ ti kasara tun!

Yɛrɛmaya 32:15

Mari Sɛnbɛ-Bɛɛ-Tigi, Isirɛlata Alla ko yarɔma, a bon wo, a dugu wo, a wɔli-kɛ-tina wo, wo dama si ma feri-kɛ-fan la tun nyamanɛ kɛ rɔ.”

Yɛrɛmaya 32:44

Mɔgɛnu si anu san ka kɛdi ladan anu nyɔgɔn tɛma. Anu si anu tɔgɛ sɛbɛ a kɔrɔ ka anu mandan sa a ma. Wo kɔma, sereyɛnu fanan si anu tɔgɛ sɛbɛ a kɔrɔ. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ rɔ. A ye mala fanan Yuda nyamanɛ dugula soenu tɔ anubɛ gburukulinu bi nyamanɛ min tɔ. A ko a si nyamanɛ lasɛgi a tiginu ma tun. Ale Mari kan le kɛ la.

Yɛrɛmaya 33:7

A ko a si a ma, Yerusalɛm anubɛ Yuda kɛ tomɛnu ni ma-a-la. A ko a si anu ma iko anu bi nya min nun fɔlɔ.

Yɛrɛmaya 46:27

Mari ko wole, ala mɔgɛnu kana kilan. Isirɛla mɔgɛnu kuma kana kɔ. A ko a si wo labɔ wula-yan-nyamanɛ rɔ wo ye biralɛ rɔ kan min nun. A ko a si na wo la ka wo sigi wo fanbolo. A si wo kandan. Mɔgɔ-wo-mɔgɔ ti wo lakilan.

Yɛrɛmaya 49:39

Kɔnɔ Mari ko lunyɛ do si na, a si a ma, Ilam kɛnu ni sabati tun. Ale Mari kan le kɛ la.

Yɛrɛmaya 49:6

Kɔnɔ Mari ko tɔ-a-la, Amonnu si ma-a-la tun. Mari kan le kɛ la.

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Sakaraya 1:16

Woletɔ a ara sɛgi Yerusalɛm soe burɔ ka kinikini wo ma. Mari Sɛnbɛ-Bɛɛ-Tigi ko wo si a Bato-Bɔn anubɛ ata soe sɔ-kurɛ-kɛ tun.

Sakaraya 12:6

Wo wati wa ke, a ko a si Yuda bɔnsɔn-kun-tiginu ma iko tɛ wa na a labɔ sɔgɔ-ladɛnnɛ ma. Ni wo ma, a ko anu si ma iko kala-mɛlan wa a kun nabɔ bin-gbalɛ ma. Sibole minnu bi ala foolɛ rɔ, a ko Yuda kɛnu si wonu halaki kɔnɔ anu Yerusalɛm kɛnu si to anu gbɛ rɔ yiri!

Sakaraya 12:7

A ko ale Mari si a ma, Yuda kɛlɛ-dannu fɔlɔn ni nɔ-ko sɔrɔn alako gbiliyɛ min bi Mansa Dawuda bɔnsɔn anubɛ Yerusalɛm kɛnu bolo, wo kana na tenbi Yuda mɔgɛ toenutɛ la.

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.