Yɛrɛmaya 30:16 - ALLALA KUMƐ

¹⁶ Kɔnɔ kaka, sibole min bi wo kasara-tinɛ nun, wonu si kasara. Wo yoge bɛɛ si ta biralɛ rɔ. Wo niyi-ragbɛrɛnnɛ bɛɛ niyi ra si gbɛrɛn anu ma. Minnu bi wo bolo-fannu bila wo kɔma, wonu fanantɛ si bi.

Yɛrɛmaya 30:16 Iomraidhean Croise

Yaburi 129:5

Yerusalɛm-gboyana-mɔgɛnu, alamɛ ma ya nɔ-ko sɔrɔn wonu ma ka anu gben sɛgila.

Bɔ-Koe-Iyipiti 23:22

Kɔnɔ ni wo ya wo tolo masɔ a kuman-kan la ka a latɔnbagaya, wo yogenu si ma n yogenu na. Wo kɛlɛ-nyɔgɛnu si ma n kɛlɛ-nyɔgɛnu na.

Hɛnkilimaya-Kumɛnu 22:23

Mari le si anuna kɛlɛ kɛ anu ye ka wo niyi ragbɛrɛn.

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 54:15

A ko a ti mɔgɛ latugu i kan ma tun. Min ba na a kɛ i ma, i si wo sɔnsɔn.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Yɛrɛmaya 12:14

Mari ya a fɔ nde, Yɛrɛmaya ye ko sibolo-gbɛrɛ-karagbɛlɛ minnu si nyamanɛ bi ata Isirɛla mɔgɛnu bolo, a ye kɛ le sigila wonu ma. A ko a si anu wurun anuna nyamanɛ rɔ ka anu nakɛ a rɔ iko a si Yuda mɔgɛnu wurun anu tɛma nya min.

Yɛrɛmaya 2:3

Isirɛla mɔgɛ wonu mara Mari-halalɛ la. Anu dantɛgɛnɛ a ma iko dɔn-fen-kun-fɔlɛ tɔnsɔn. Minnu ya ko sigi Isirɛla mɔgɛnu ma, wonu ya yilikiyi sɔrɔn. Mari ko mɔgɛ wonu kasarata le! Ale Mari kan le!

Yɛrɛmaya 25:12

San bi-wɔrɔnfilɛ kɛ wa tenbi tumɛ min, Mari ko a ni na to Babilɔn anubɛ ala mansɛ tɔrɔla ka a tɛgɛ anuna yogoyɛ ma. A ko nyamanɛ wo kasaranɛ si to tolon!

Yɛrɛmaya 30:15

Hali wo ma wo tɔrɔ wola tɛlɛnu bara-koe fɔla bawo a dandan-fen sa. Mari ko a ara wo tɔrɔ wo nya bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 50:28

(Mɔgɛnu buri-kɛ-kan ye bɔla Babilɔn ka na Yerusalɛm. Anu bi ma Mari Alla tayili-sara-nya rakaranna ka a tɛgɛ a Bato-Bɔn tinya-nya ma Babilɔn kɛnu bolo.)

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Nimisa Koe 1:21

“E, Mari, i wɔlɔ matɔlɔ n kurun kan la. Mɔgɔ sa min si n madiya alako n ni fara di-kɛ la. N yoge bɛɛ ara sewa ka a tɛgɛ nna kasarɛla ko ma. I ya n yili-madiya tele min tɔ, wo tele ni na alako n yogenu ni tɔrɔ iko nde tɔrɔyanɛ nya min.

Nimisa Koe 1:22

“I ban n yogenu na ka anu halaki ka a tɛgɛ anuna karagbɛlɛyɛ ma anu bara min sigi n na. I ni anu tɔrɔ iko i ya n tɔrɔ nya min. N bi kɛ damasi fɔla tumɛ min, n bi kurunna yisi-tinya bolo.”

Isikiyɛli 29:6

Iyipiti kɛnu si a lɔn wo le ma ko Mari le nde la.” Mari ko, “Isirɛla mɔgɛnu hɛnkili latɛgɛnɛ Iyipiti kɛnu ma anu dɛnbɛn-koe rɔ kɔnɔ a mani de dɔrɔn iko puka-sewuri.

Isikiyɛli 35:5

“Isirɛla yogo-fin-bɛ le Idɔm mɔgɛnu na bawo anu sɔnta ko sibolo-gbɛrɛnu ni Isirɛla mɔgɛnu faga anu tɔrɔ-wati rɔ, ado anu tɔrɔ-wati-laban anuna hakɛla ko la, anu ya anu yɛ gbala anu na dɔrɔn.

Yowɛli 3:8

A ko ale nyɛrɛ si a ma, Yuda nyamanita-mɔgɛnu ni wola dannu san ka ta anu mayira Sabiya kɛnu ma pon! Ale Mari kan le kɛ la.

Maika 4:11

“Nyamani-siyamɛ-mɔgɛnu si anu kun nayigi wole, Isirɛla mɔgɛnu kɛlɛ-koe ma. Anu si belenna a fɔla ko, ‘Fɔ ma wa Yerusalɛm soe kɛ tinya pɔ! Fananta ma ma soe kɛ tinyanɛ yen, ma yisi ti kimɛ.’

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Nehami 1:8

A si tugu a yogenu kan ma ka anu nato dogbe iko yi wa tugu a rɔ wuu! Mɔgɛ min ba a rasɛ, a si wonu natosokɔrɔ lakira.

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.

Sɛfanaya 2:8

Mohabunu anubɛ Amonnu bi Mari Sɛnbɛ-Bɛɛ-Tigita mɔgɛnu mayɛlan min kɛla, a ko a ara wo lamɔɛn. A ko anu bi anu nyɛrɛ matɔgɔla ko anu si ala mɔgɛnuna dugi bi anu bolo.

Sakaraya 1:14

Wo kɔma, Mari ya min fɔ, melika wo ko n ni wo rakaran wole, Isirɛla mɔgɛnu ye. A ko keninteya-belebele ye a bolo ata so-yabɔnɛ Yerusalɛmna ko la.

Sakaraya 1:15

A ko a diminyanɛ sibolo-gbɛrɛnu ma minnu siginɛ yisi-kimɛ rɔ kaka. A ko a diminyanɛ anu ma bawo wo tumɛ wole, ala mɔgɛnuna koninteyɛ siginɛ a burɔ, anu bi wo yakɔrɔ-mamɔla kosɛbɛ!

Sakaraya 12:2

A ko a si Yerusalɛm ma iko gbɛɛ. Sibole minnu bi ala foolɛ rɔ, wonu si a min ha anu ni to tonko-tankanna. A ko anu si bui Yerusalɛm soe anubɛ soe donu ma Yuda nyamanɛ rɔ.

Sakaraya 14:2

Mari ko a si sibole bɛɛ kundɛn kan-tina-kelen ka Yerusalɛm kɛlɛ. Anu si wola soe bi wo bolo ka wola bɔnnu nakolonya ka digin wola musinu ma. Kɛlɛ si ta nyama tɔnkɔn la. A toenu si to wola so-tinyanɛ burɔ nyɔ.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Tɔn-Fɔɛ-Fila-Nyɔgɛ 30:7

Alla si wola dankali-yogomɛ wo yɛlɛma ka a lasɛgi wo yogenu ma minnu ya wo bira boloko-yogomɛ-kɛ.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

1 Samuwɛli 17:53

Anu bɔɛ anu gbere la, anu ya Filisitinu bolo-fannu bi anuna dagɛ rɔ.