Yɛrɛmaya 30:12 - ALLALA KUMƐ

¹² Mari ko tanban-nɛ ye wo ma min ti dandan. Wo duma-tinɛnu ti kɛndɛya.

Yɛrɛmaya 30:12 Iomraidhean Croise

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yɛrɛmaya 14:17

Mari ko nde, Yɛrɛmaya ni kɛ fɔ wole, Yuda kɛnu ye. Alamɛ n ya-denkɛ lafara n ya-yi la. N si to dila su-ni-tele. N si di wole, nna mɔgɛnuna ko la. Mari ara ban wo rafɛrɛnna nun. Wo matanbanta kosɛbɛ!

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 15:18

Nfenna dumɛ sa foola n kun na. Nna tɛlɛ sa sɔnna kɛndɛyala. Mari, i kana ma n ma iko yi min bi gbalala a worɔn la todo! I kana ma n ma iko tenke min sa yigila tun.

Yɛrɛmaya 30:15

Hali wo ma wo tɔrɔ wola tɛlɛnu bara-koe fɔla bawo a dandan-fen sa. Mari ko a ara wo tɔrɔ wo nya bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 6:7

Iko yi si bɔ tenke rɔ nya min, karagbɛlɛnuna wunduyogoyɛ si bɔ Yerusalɛm soe burɔ wo nya na le.” Mari ko a ye karagbɛlɛyɛ anubɛ kasara-kan lamɔɛnna soe kɛ rɔ. A ko a sa fenfen yenna kirayɛ anubɛ dumɛ kɔma soe kɛ burɔ.

Yɛrɛmaya 8:22

Takun-bɛsi sa Kaliyadi nyamanɛ rɔ? Mɔgɔ-dandanna sa nyɔ, wa? Nfenna nna mɔgɛnuna dumɛ sa kɛndɛyala?

Nimisa Koe 2:13

N si ile Yerusalɛm soe sanka nfen ma? Mɔgɔ-wo-mɔgɔ sa nyɔ min tɔrɔnɛ iko ile. I ni-radiya-kuma sa n da rɔ mumɛ! Ita tɔrɔyɛ kolo iko kɔgɔ-yi kolo nya min. Yigi wo-yigi sa i bolo.

Isikiyɛli 37:11

Wo bɛɛ kanɛ a la, Alla ya a fɔ n ye ko, “Ile hadama-dan, Isirɛla mɔgɛ bɛɛ mani de iko kole wonu. Anu bi a fɔla ko anu bara gbala, ado yigi-wo-yigi sa anu bolo tun. Anu na ara to dogbe!

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Maika 1:9

Samariya si na tinya feu, ado mɔgɔ ti ke a ladanna tun. Yuda nyamanɛ fanan si tinya wo nya na le, hali anuna Yerusalɛm so-karantan fanan.”

Nehami 3:19

Bɛsi-wo-bɛsi sa wola tɛlɛnuna ko la, ado wola tɛlɛ wonu ti kɛndɛya muk! Mɔgɔ-wo-mɔgɔ wa a lamɔɛn ko wo ara halaki, wo si lɛnkɛ gbesi sewɛ bolo bawo wo ara karagbɛlɛya-siyaman sigi mɔgɛnu na nun.