Yɛrɛmaya 30:11 - ALLALA KUMƐ

¹¹ A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 30:11 Iomraidhean Croise

Yaburi 6:1

E, Mari, i yandi, i kɔrɔtɔnɛ kana n tɔrɔ. Ni i fonde bɔnɛ, i kana n makuma.

Bɔ-Koe-Iyipiti 34:7

N si nta nyimayɛ yira mɔgɔ waga siyaman na. N si mɔgɛnu makoto anuna hakɛ-yogomɛnu na. Hakɛ-tigi minnu si anu ban n na, n si wonu tɔrɔ. Hali anuna dannu ha ka ta a sigi anu tolo-birɛnu na anubɛ anu tolo-bira-sɔɛnu, n si wonu fanan tɔrɔ.”

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 1:8

A ko n kana kilan mɔgɔ-wo-mɔgɔ la bawo a ye n fɛ. A si n nakanan. Ale Mari kan le.

Yɛrɛmaya 10:24

Mari, ila mɔgɛnu natelen ita telenbagayɛ la. Kɔnɔ i kana ma tɔrɔ ita fondo-bɔɛ la. Ni i ya wo ma, ma wara-koe si ka-a-la.

Yɛrɛmaya 15:20

Mari ko a si n ma wole ye iko dandan tagbɛlɛ. A ko n ta si gbɛlɛya iko sila-dandan. A ko wo ya n kɛlɛ nya-wo-nya, wo ti n nɔ worɔ. A ko ni wo ya a yen wo ye mala bawo ale Mari ye n fɛ. A ko a si n kumafunfan ka n nakanan.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 5:10

Mari ko a si a fɔ wole, Yuda mɔgɛnu ye ko wo yogenu ni ta wole, Yuda kɛnu malanfan iko mɔgɛ si ki-fannu malanfan nya min kɔnɔ anu kana wo bɛɛ malanfan de! Anu ni mɔgɛnu faga kelen-kelenyɛ ma iko kɔlɔma-gbendalɛ. Anu ni wo ma bawo Marita ma wole, ata mɔgɛ kɛnu denu na tun.

Yɛrɛmaya 5:18

Mari ko hali wo, wo la ti to wo wati rɔ.

Nimisa Koe 3:22

Wo le iko Marita keninteya-dan-natɛgɛbɛlɛ anubɛ ata kinikinɛ min ti ban.

Isikiyɛli 11:13

N bi wɔlɔyiya-kumɛ kɛ kun na, Bɛnayala den Pɛlataya fagara kuren! N ya n naburun a ma dugi ma ka n dɛ sa-a-rɔ. N ko, “E, n Tigi Mari! Isirɛla mɔgɛ toenu nato-sɔgɛ ye i la, wa?”

Isikiyɛli 6:8

“N si a ma, donu ni bɔ muri kɔrɔ ka anu tanyɛnsɛn sibolo-gbɛrɛnu tɛma.

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.

Saraka-Masɔlɛnuta Tɔnnu 26:44

Hali anu tenbi tɔrɔyɛ rɔ anu yogenu bolo, n ti anu boloka feufeu ka anu nato dogbe! Ni n ya wo ma, lanyiri min bi ma tɛma worɔ, wo ara tinya. Wo tigi le nde, Mari Alla la min si lanyiri latɔnbagaya.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Tɔn-Fɔɛ-Fila-Nyɔgɛ 4:31

a si kinikini wo ma worɔ. A ti wo boloka, a ti wo halaki. Anubɛ wo benbanu ya sarama-kan min kiri, a ti nyina wo ko.

2 Timoti 4:22

Mari ni i niyi kandan. Allala hinɛ ni to wo dama fɛ.