Yɛrɛmaya 3:9 - ALLALA KUMƐ

⁹ ado a sɔn-yogomɛ wo bɔrɔ ma taran a ye. Woletɔ nyamanɛ wo sɛninyani ma tun. A ara farɛ anubɛ kɔlɔma kɔ min kɛ, wo mani de iko anu ya yɛlɛnyɛ kɛ,

Yɛrɛmaya 3:9 Iomraidhean Croise

Aiseya 57:3

Mari ko wole bolo-tafɛlɛnnɛnu, wo na yan wole yɛlɛn-dannu, wole kenita-dannu,

Aiseya 57:6

Wo ye kuru-manunkunɛnu kɔla. Wo ye minni-sarakɛnu nabonna kuri wonu ma ka dɔn-fen-kun-fɔlɛ-sarakɛnu di anu ma. Wo ni wo miri ko kɛnu wara-ko si a ma, Mari ni wo makoto, wa?

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 2:27

Wo kɛnɛna a fɔla wola kɔlɔma-malɛsɛnɛnu ma ko wo fa le wonu na. Wo kɛnɛna a fɔla wola kuru-malɛsɛnɛnu ma ko wonu denu ya wo sɔrɔn. Mari ko wo ara wo yɛ bɔ a la. Wo ara wo kan-kɔ sɔ a la. Kɔnɔ nanparan wa na wo ma, wo ye dila Mari dala wo kisi-koe la.

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 3:2

Wo ni wo yɛ lata kɔnkɛnu kuma. Kɔnkɛ do ye nyɔ, wo ma yɛlɛnyɛ kɛ wɛ kan min, ba? Wo ye tala wo sigila kila-kunyɛnu na ka wo kenintenu makɔni iko Arabu bumali-kɛlɛnu si sigi nya min. Wo ara wola nyamanɛ latinya bawo wo ara wo nyɛrɛ ma yɛlannu na ka ko-yogomɛnu nadan.

Isikiyɛli 16:17

N ya sɛnɛ anubɛ wodi-gbɛ minnu ma i makiri-fan la, i ya wonu bi ka anu nadan bɛsi-kei-muninyɛ la minnu yatelenmɛ bɔnɛ gbɛ rɔ. Wobɛ wonu ya yɛlɛnyɛ kɛ.

Isikiyɛli 23:10

Wonu ya a mawuran ka ala dannu bi a bolo fɔrɔsɛ la. Wo kɔma, anu ya a faga faan la. I tara kan-bo-kan, musinu dɛ kɛnɛ a tɔgɔ rɔ ka a tɛgɛ a faga-bole ma.

Isikiyɛli 23:21

Ale Oholiba, Yerusalɛm, kɔni, a di a ye, a ni to yɛlɛnyɛ kɛ kun na iko a dennɛ ya a dabira nya min Iyipiti nun. Keinu tolonta a kinyɛ la nyɔ ka a kin-sungbannu tadigin.

Isikiyɛli 23:3

Anu dɔgɔ wati min Iyipiti nyamanɛ rɔ, anu ya kei-koe dabira ka ma yɛlannu na nyɔ. Keinu tolonta anu kinyɛ la nyɔ ka anu kin-sungbannu tadigin.

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Yowɛli 1:19

Mari, i yandi, n bi dila i da la mala ki-fannuna ko la. Kolo-fannu de-nyini-tinɛnu ma ara nunku iko tɛ wa binyɛ mintan gburr!

Habakuku 2:19

Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.

Matiyu 5:32

Kɔnɔ kaka, n bi a fɔla wo ye, ni mɔgɛ ya ala musi boloka, ni musi wo ma yɛlɛnyɛ kɛ, a ara musi wo sɔ yɛlɛnyɛ la wo rɔ, ado ni kei-gbɛrɛ ya a furu, wo fanan bara yɛlɛnyɛ kɛ.