Yɛrɛmaya 3:3 - ALLALA KUMƐ

³ Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 3:3 Iomraidhean Croise

Ko-Dabirɛnu 19:34

Wo banda kɛ, ala den fɔlɔtɛ ya a fɔ a dɔgɔ-musi ye ko, “N ya n tasagan n fa fɛ kunu suyi rɔ. A ya a sa n fɛ. Ma ni ma fa lamin gbɛɛ la bi suyi rɔ fanan. Ile fanan ni don ka i rasagan a fɛ alako ma fa sugi la kana to.”

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Hɛnkilimaya-Kumɛnu 21:29

Karagbɛlɛ si a nyɛrɛ layiri ka a nyɛrɛ ma iko a kerinte kɔnɔ mɔgɔ-latelennɛ si anu miri anuna ko-ladan-nya ma.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Yɛrɛmaya 14:1

Tɔn sigira bandɛla nɛ la min kɛ, Mari ya a fɔ nde, Yɛrɛmaya ye ko

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 14:3

Mɔgɔ-banu ba anu kɔrɔ-wɔli-kɛlɛnu nata yi-bi-tinɛ, wonu ti yi-wo-yi taran yi-denkɛ rɔ. Anu ba sɛgi anuna yi-bi-fan wonu takolɔn la, anu si anu yakɔrɛ dogon miliyɛ bolo dɔgɔma-ma-de! Anu si anu kunyɛ layigi yarabiyi bolo.

Yɛrɛmaya 14:4

Dugi bɛɛ ra si farafara bandɛ lanabɛlitayɛ bolo. Sɛni-salɛ bɛɛsi yisi ara tinya pɔ! Anu bi anu yakɔrɛ dogonna miliyɛ bolo.

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 5:24

Wo sa a fɔla wo nyɔgɔn ye ko, “Ma ni kilan mata Mari Alla la wona. Ale le ye bandɛ lanala ma ye a tumɛ rɔ. Ale le ye a mala, ma ye mala fui-fannu tɛgɛla a tumɛ rɔ.”

Yɛrɛmaya 5:25

Mari ko wo sɔn-yogomɛ anubɛ wo hakɛnu denu bara a ma, fen sa mala-a-la wo bolo.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 6:15

A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Yɛrɛmaya 9:12

N ya nyinikalɛ kɛ, n ko nfenna wɔli-kɛ-tinɛnu tinyanɛ? Nfenna nyɔ ara ma iko wula-da-rakolɔn, mɔgɛ ti tenbi kan min? Hɛnkilimɛ mintan si ke koe kɛnu kɔrɛ nya-yenna? Marita karan-dan yon si ke a miriyɛ kɛ rakaranna?

Isikiyɛli 3:7

Ni Isirɛla mɔgɛnu ma anu tole masɔ i la, i kana tɛrɛna wo la bawo anu ma anu tole masɔ nde fɔlɔn na. Anu dama tole gbɛlɛ, ado anu sa n gbiliyala.

Saraka-Masɔlɛnuta Tɔnnu 26:19

Ni wo ya wo nyɛrɛ kɔrɔbi, n si na n bɔ wo kɔrɔ. N ti bandɛ lana wo ye woletɔ wola duginu si gbɛlɛya iko fara-kole.

Emɔsi 4:7

Ni wo ya a yen kɔnkɔ-fitinɛ nara, Mari ko ale le ya wo beli banda-yi la. A ya bandɛ lana soe donu tɔ, a ya donu beli a la. A ya bandɛ lana sɛnɛ donu tɔ, a ya donu beli a la.

Emɔsi 4:8

Wo sɔn magbalata dɔgɔma-ma-de! Hali min ba wuli ka ta soe do rɔ yi-nyini-tinɛ, a ti yi taran nyɔ. Kɔnɔ hali wo, wo ma sɛgi Mari ma mumɛ!

Sɛfanaya 2:1

Wole Yuda kun-takolɔnnu! Yanni wo kufan-kufan ni ta iko fɔnyɔ wa kɔrɔ-fɔrɔn bi, wo ni wo hɛnkili masɔ. Yanni Marita diminyɛ ni na wo kan ma, wo ni wo hɛnkili masɔ. Yanni a fonde ni bɔ wo kuma ka wo halaki, wo ni wo hɛnkili masɔ. Wo ni wo miri wo kɛ-nya-kɔrɛnu ma ka tubi wo hakɛnu ma.

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Hegayi 1:11

N ya tɛtɛgɛ ladon bandɛla nɛ rɔ nyamanɛ kɛ rɔ. N ma bandɛ lana wola kɔnkɛnu kuma anubɛ wola sɛnɛnu tɔ. N ma bandɛ lana wola nɔnbɔ-gbɔɛnu kuma anubɛ wola ɔlifi-tuli kɔlɔmanu kuma. N ma bandɛ lana wo fenfen kuma wobɛ wola kolo-fannu si min dɔn.”

Tɔn-Fɔɛ-Fila-Nyɔgɛ 28:23

San-kole ma si tɛgɛ. Wola dugi si gbɛlɛya iko fara-kole.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?