Yɛrɛmaya 3:23 - ALLALA KUMƐ

²³ “Ma ara kun-takolonya-belebele ma bɛsi-kɔ-tinɛ kɔnkɔ-kolo-wɛnu kuma. Ma ye sɔnkɔ-sɔnkɛ min kun na kɔnkɛnu kuma nun, tonya sa wo do-wo-do rɔ, ado tonyɛ le, kisi-koe ye bɔla ile mata Mari Alla le bolo.

Yɛrɛmaya 3:23 Iomraidhean Croise

Yaburi 3:8

Ile Mari kelen pe le si ke ila mɔgɛnu kisila gbalo ma. Alamɛ ita mɔgɛnu ya ila duwɛ sɔrɔn.

Yaburi 62:7

Nna kisi-koe anubɛ nna gbiliyɛ bɛɛ tonɛ ile le ma. Nna tankala-gbengben le Alla la. Nna ninɛ le ale la.

Hɛnkilimaya-Kumɛnu 21:31

Mɔgɔ si soeenu tabɛn kɛlɛ-kɛ-koe la kɔnɔ min bi kɛlɛ nɔla, Mari le ye wo latɛgɛla.

Aiseya 10:20

Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Aiseya 45:15

Isirɛlata Alla min bi ata mɔgɛnu nakananna, anu si a fɔ ko Alla le ale la, hadama-dannu ti min yen anu yɛ la.

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Yɛrɛmaya 14:8

Alla, Isirɛla mɔgɛnu yigi le ile la. Isirɛla mɔgɛnu ya yakɔrɔ-mamɔɛ sɔrɔn tuma-wo-tuma, i si anu denkun. Kɔnɔ kaka gbɛ, ile ye sundanyɛ le la nyamanɛ kɛ rɔ. I mani de iko mɔgɛ min bi belenna kila ka tenbi.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Yɛrɛmaya 31:7

Mari ko bɛɛ ni sewa ka sigi sa wole, Isirɛla mɔgɛnuna ko la. Anu ni anu kuli mayɛlɛ Isirɛla nyamanɛla ko la min makawanɛ nyamanɛ bɛɛ ko. Anu ni matɔgɔ-bɛtinu bɔ ko, “Mari ara ala mɔgɛnu nakisi. A toe min tonɛ, a ara wo bɛɛ kunka.”

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Yɔni 4:22

Wole Samariya kɛnu, wo ye min batola, wo ma wo lɔn. Kɔnɔ male Yahudiyanu bi min batola, ma ya wo lɔn bawo kisi-koe bɔnɛ Yahudiyanu denu bolo.