Yɛrɛmaya 3:12 - ALLALA KUMƐ

¹² A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 3:12 Iomraidhean Croise

Ko-Dabirɛnu 4:7

Ni i ya ko-nyimɛ le ma nun, n si n ban ila kɔ-fan la nun, wa? Kɔnɔ bawo i wara ko-yogomɛ ma min kɛ, hakɛ ye i manɛgɛnna. A sɔgɛ ye hakɛ la, a ni i bira kɔnɔ ile kana sɔn, a ni i nɔ.”

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 18:1

Ilala den Mansa Hoseyala mansayɛ san sawa nyɔgɛ ma Isirɛla mɔgɛnu kun na, Mansa Ehasila den Hɛsakaya mara mansɛ la Yuda nyamanɛ rɔ san wo le la.

2 Ko-Kɔrɔta-Karan 29:10

“N bara ban a latɛgɛla ko mabɛ Isirɛlata Mari Alla ni sarama-kan kiri ma nyɔgɔn tɛma alako a fondo-bɔnɛ kana to ma kuma tolon!

2 Ko-Kɔrɔta-Karan 30:9

Ni wo sɛgira Mari ma, kɛlɛ tara wo na-kelen-nyɔgɛ minnu na, anu si kinikini anu ma ka anu nasɛgi wo ma. Mari Alla fanɛ ko-nyimɛ anubɛ kinikinɛ la. Ni wo nara a ma, a si sɔn wo la ka wo bira tun.”

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 103:8

Ala kinikinɛ anubɛ keninteyɛ da rakolo. A ti diminya yona, ado dan sa ata keninteyɛ la.

Yaburi 103:9

A ti to nyɛɛla ma ma. A ti mala ko sigi a burɔ.

Yaburi 145:8

Mari fanɛ keninteyɛ anubɛ kinikinɛ la. A ti diminya tiriya, ado dan sa ala keninteyɛ la.

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 31:6

Mari ya a fɔ n ye ko wole Isirɛla mɔgɛnu bara hakɛ kɛ a la ka anu kan-kɔ sɔ a la. Kɔnɔ a ko wo ni sɛgi a ma kaka.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Yɛrɛmaya 11:6

Mari ya a fɔ n ye ko n ni wɔlɔyiya-kumɛ kɛ fɔ Yerusalɛm soe burɔ anubɛ Yuda nyamanɛ bɛɛ rɔ. A ko anu ni anu tole masɔ sarama-kan-kumɛ kɛnu na ka anu bira anu bolo filɛ la gben!

Yɛrɛmaya 12:15

A ko a wa ban sibolo-gbɛrɛ wonu wurunna tumɛ min, anuna hinɛ ni na to donna ale rɔ. A ko a si bɛɛ sigi a halala-fen kun na.

Yɛrɛmaya 23:8

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu, a ara ma ranyɛnsɛn kan min.” Wo si a taran, wo siginɛ wo halala-nyamanɛ rɔ.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 3:18

Wole Isirɛla mɔgɛnu anubɛ Yuda mɔgɛnu si na wo nyɔgɔn fɛ ka bɔ biralɛ rɔ kantɔ-findan ma. Wo si sɛgi wola nyamanɛ rɔ ale Mari ya min di wo benbanu ma ka nyɔ ma anu halala-nyamani-bɛrɛbɛrɛ la.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 3:5

Wo yili latɛgɛnɛ ko ale Mari kɔrɔtɔnɛ ti to wo ma. Tɔn si sigi ata kɔrɔtɛ la. Wole Isirɛla mɔgɛnu denu bi kumɛ kɛnu fɔla kɔnɔ wo ye ko-yogomɛnu mala iko a di wo ye nya min.

Yɛrɛmaya 3:7

N ya a lɔn ko Isirɛla mɔgɛnu ba ban ko-yogomɛ kɛla, anu ni na to sɛgila n ma. Kɔnɔ hali wo, anu ma sɔn sɛgila n ma tun. Isirɛla ara ko-yogomɛ min ma, a na-kelen-nyɔgɔ-musi Yuda ya wo yen de!

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 31:21

Wole Isirɛla mɔgɛnu, wo ni wo sɛgi-kilɛ latɛgɛ. Wo ni wola kila-da-kunyɛ nyini alako wo ni ta a labɔ wo warɛ ma. Wole Isirɛla mɔgɛnu, wo sɛgi wo warɛ. Wo sɛgi wola soenu tɔ.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 33:26

Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Yɛrɛmaya 4:1

Mari ko ni sɛgi-sɔgɛ ye wole, Isirɛla mɔgɛnu na a ma, nba, wo sɛgi a ma. Kɔnɔ a ko wo ni wola bɛsɛnu nakɛ a rɔ bawo anu gbo a ye. Wo kana ta wo kun fɛ.

Nimisa Koe 3:22

Wo le iko Marita keninteya-dan-natɛgɛbɛlɛ anubɛ ata kinikinɛ min ti ban.

Isikiyɛli 11:17

“Woletɔ a fɔ anu ye ko nde, anu Tigi Mari ko n si anu nabɔ nyɔnu tɔ ka anu kundɛn. N si Isirɛla nyamanɛ don anu bolo tun.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Tɔn-Fɔɛ-Fila-Nyɔgɛ 30:2

Ni wobɛ wo kegeyɛnu sɛgira wota Mari ma wo sɔndɔmɛ bɛɛ la ka ata tɔnnu bira n bara min bɛɛsi fɔ wo ye kɛ la bi,