Yɛrɛmaya 29:9 - ALLALA KUMƐ

⁹ Anuna wɔlɔyiya-kumɛnu, wo bɛɛ foninyɛ. Anu kɛnɛna a fɔla ko anuna sarakanɛ bɛɛ bɔnɛ ale Mari le bolo. Kɔnɔ Mari ko ale ma kuma anu ye de!

Yɛrɛmaya 29:9 Iomraidhean Croise

Yɛrɛmaya 23:21

Mari ko ale ma nɛbi kɛnu sɔ kɔnɔ hali wo, anu burumatoe ye tala anu halala-kumɛnu fɔla. A ko ale ma a sara anu na mumɛ, kɔnɔ hali wo, anu bi kumala a tɔgɛ rɔ.

Yɛrɛmaya 27:14

Foninya-nɛbi minnu bi a fɔla ko i ni murutiya Nɛbukanasa ma, i kana i wɔlɔ matɔlɔ wonu na de! Anu bi i bolo-labira-tinɛ le.

Yɛrɛmaya 27:15

Mari nyɛrɛ ko ale ma kunta-kumalɛ kɛnu sɔ mumɛ! A ko anu bi ale Mari da-ragbala-tinɛ le. Woletɔ ile anubɛ nɛbi minnu bi foninyɛ fɔla i ye, a ko ale nyɛrɛ si tugu wo la ka wo faga.”

Yɛrɛmaya 29:21

Mari Sɛnbɛ-Bɛɛ-Tigi, Isirɛlata Alla, kɔni, wo kumara mɔgɔ fila wara-koe rɔ, Kolayala den Ehabu anubɛ Meyaseyala den Sɛdɛkaya. A ko mɔgɔ filɛ kɛnu bara nɛbiya-kumɛnu fɔ wo ye foninyɛ rɔ. Anu bi a fɔla ko Mari le ya sarakanɛ wonu di anu ma. Mari ko a si foninya-nɛbi filɛ kɛnu don Babilɔn Mansa Nɛbukanasa bolo. Ale mansɛ si anu faga wo dama yala.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.