Yɛrɛmaya 29:11 - ALLALA KUMƐ

¹¹ Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Yɛrɛmaya 29:11 Iomraidhean Croise

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yaburi 33:11

Kɔnɔ Marita miriya-nyimɛnu si to nyɔ habadan! Mari kɔntɔ-koenu ti yɛlɛma mumɛ!

Yaburi 40:5

Mata Mari Alla, i wara ko-siyaman ma ma ye. I nyɔgɔn sa! I wara kabana-ko-miriya-siyaman tabɛn ma ye. N ti ke anu damasi wara-koe rakaranna. N ma anu dan-natɛgɛ lɔn.

Yaburi 85:9

I rabɛnnɛ i gbiliyalɛnu kisi-koe rɔ yati, alako ita gbiliyɛ kana dasa mala nyamanɛ rɔ.

Aiseya 27:4

A fondo-magboyani ma sundi wola ko la tun. Ni wɔnɛnu si taran nyɔ a si minnu kɛlɛ, fɔ a wa anu mintan gbur!

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 30:9

A ko wo si ale wota Mari Alla sako kɛ. A ye mansɛ min sigila ka bɔ Mansa Dawudata kebilɛ la, wo si to wɔlila wo ye.

Yɛrɛmaya 33:6

Kɔnɔ a ko a si Yerusalɛm soe dandan anubɛ ala mɔgɛnu ka anu nasɛgi anu gbɛ rɔ. A si yisi-kimɛ di anu ma duk, ka anu nakanan.

Nimisa Koe 3:26

Min fisa, fɔ ka i munyu alako Mari si na ma lakisi nya min.

Isikiyɛli 11:16

“Ta nde, Marita kumɛ fɔ i na-kelen-nyɔgɔ mɔgɔ-biranɛ wonu ye. A fɔ anu ye ko nde le ya anu tanyɛnsɛn ka anu nata wula-yannu na sibolo-gbɛrɛnu tɛma. A fɔ anu ye ko hali anu bi kan-tinɛ minnu tɔ wo la, n bi anu fɛ nyɔnu tɔ, ado anu si n bato nyɔnu tɔ.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Maika 4:12

Kɔnɔ mɔgɛ kɛnu ma a lɔn Mari ara min tabɛn anu kan ma. Anu ma a lɔn ko Mari ara anu nadɛn anu gbesi koe la iko sɛni-salɛ wa fui-fan ladɛn gbere ma a gbesi-koe la.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.