Yɛrɛmaya 28:4 - ALLALA KUMƐ

⁴ Nɛbi Hananaya ko Mari si sɛgi Yahoyakimna den Yuda Mansa Yɛhoyasin anubɛ Yuda mɔgɔ-birani-kɔrɛnu na fanan. A ko Mari ko a si ale Babilɔn mansɛ latinya pɔ!

Yɛrɛmaya 28:4 Iomraidhean Croise

Ko-Dabirɛnu 27:40

Ni i ma kɛlɛ kɛ, i ti fen sɔrɔn kɔnɔ hali wo, fɔ i wa wɔli i dɔgɛ kɔrɔ. Kɔnɔ a wa a lagbɛlɛya i kuma tumɛ min, i si bɔ ata sɛnbɛ kɔrɔ.”

2 Mansɛnu 24:14

A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Yɛrɛmaya 13:19

Soe minnu bi wulɛ rɔ Yuda nyamanɛ dugu la, wonu yogenu bara kurɔn don wo ma. Wo masɔrɔn-kunya sa mɔgɔ-wo-mɔgɔ bolo. Wole Yuda nyamanita-mɔgɛ bɛɛ kunyɛ si don biralɛ rɔ nyamani-gbɛrɛ bolo. Anu si ta wo dama la tɛrr!

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 22:10

Wole Yuda mɔgɛnu kana Mansa Yosaya di. Wo kana a saya-di-kɛ kɛ. Kɔnɔ wo ni ala den Yɛhowahasi di biribiri! Anu ba ta a la, a ti sɛgi yan muk! A ti a sɔrɔn-nyamanɛ yen tun!

Yɛrɛmaya 22:24

Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 28:10

N ban wo fɔla, Hananaya ya sara-ninki kanma-kɔlɔma bɔ n kan ma ka a rakerikeri.

Yɛrɛmaya 28:2

Hananaya ko Mari Sɛnbɛ-Bɛɛ-Tigi, Isirɛlata Alla ko a ara Babilɔn mansɛ latinya.

Yɛrɛmaya 29:1

Mansa Nɛbukanasa tara Yerusalɛm kɛ minnu na birɛ rɔ, nde, Yɛrɛmaya ya kɛdi sɛbɛ wonu ma, a mɔgɔ-ba wo, a saraka-masɔla wo, a nɛbi wo, anubɛ a mɔgɛ toenu.

Yɛrɛmaya 29:2

Mansa Yɛhoyasin anubɛ a na tara birɛ rɔ tumɛ min, anubɛ Yerusalɛm mɔgɔ-banu anubɛ Yuda kun-tigi toe anubɛ nyɔ-boloma-wɔli-kɛlɛnu anubɛ nyɔ-siyakinu, n nara to kɛdi kɛ sɛbɛla.

Yɛrɛmaya 30:8

Mari Sɛnbɛ-Bɛɛ-Tigi ko wo tumɛ wa ke, sara-ninki kanma-kɔlɔma min bi wole, ala mɔgɛnu kan ma, a si wo bɔ wo kan ma anubɛ a yɔlɔkɛnu. Wo ti ma yɔɔnnu na sibolo-gbɛrɛnu ye tun!

Saraka-Masɔlɛnuta Tɔnnu 26:13

N nara wo la ka bɔ Iyipiti alako wo kana ma yɔɔnnu na tun. N bara wo kunyɛ bɔ gbaran rɔ ka wo hɔrɔya. Wo ye tagamana iko dunu-gbilimɛ wa bɔ mɔgɛ min kuma.”

Nehami 1:13

A ko a si Yuda mɔgɛnu kunyɛ bɔ wota Asiriya mansa-masibɛ kɔrɔ ka yɔlɔkɛnu tatɛgɛ, anu kirinɛ minnu na.