Yɛrɛmaya 28:14 - ALLALA KUMƐ

¹⁴ Ale Mari Sɛnbɛ-Bɛɛ-Tigi, Isirɛlata Alla ko sara-ninki kanma-kɔlɔma min nadannɛ nɛgɛ la, a si wo sa sibolenu kan ma. A ko a ye wo mala le alako bɛɛ si wɔli Nɛbukanasa ye nya min. Anu si ma yɔɔn la a ye. Hali bintɔ-sogenu, wonu si to ale Mansa Nɛbukanasa kɔrɔ.

Yɛrɛmaya 28:14 Iomraidhean Croise

Yɛrɛmaya 15:12

Iko mɔgɔ ti ke nɛgɛ anubɛ silɛɛ rakerila nya min, wo ti ke wo yogenu nɔla minnu bi bɔla kantɔ-wara la wo nya na le.

Yɛrɛmaya 27:4

Isirɛlata Mari Alla Sɛnbɛ-Bɛɛ-Tigi ya a fɔ n ye ko kilayɛ kɛnu ni ta ala kilayɛ latenbi anuna mansɛnu ma ko

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 40:4

Hali wo, n si yɔlɔkɛ bɔ i bole la bi ka i boloka. Ni a sɔgɛ ye i la ka ta n fɛ Babilɔn, n si i fɛ-bira. Ni ta-sɔgɔ sa i la, tana ma. Nyamanɛ kɛ kan-bo-kan diyara i ye, i si ta nyɔ.”

Nimisa Koe 1:14

“Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Daniyɛli 2:38

Ale le ya i ma duninya mumɛ mansɛ la ka mɔgɛnu anubɛ sogenu anubɛ konanu ma itɛ la duninya kɛ rɔ. Ile, ma tigi, kiyora kunyɛ min na, a manɛ sɛnɛ la, ile le wo la.

Hoseya 10:11

“Wole Isirɛla mɔgɛnu mani de nun iko sara-ninki-kolonɛ. A di wo ye ka to fui-fan tɛnna gbere-kole ma. Kɔnɔ tɔ-a-la, nde, Mari si dɛɛ kiri a la ka a lata dugu-rasin-tinɛ. N si dugu-wɔrɔ-dɛɛ kiri Yuda kɛnu na ka fen-tagbesi-dɛɛ kiri Isirɛla kɛnu na.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.