Yɛrɛmaya 27:9 - ALLALA KUMƐ

⁹ N ya a fɔ kilayɛ wonu ye ko anu ni n kan natenbi ko anuna mansɛnu kana anu tole sigi foninya-nɛbinu anubɛ bolo-tafɛlɛnnɛnu kan kɔrɔ minnu bi a fɔla ko anu ni anu ban Babilɔn mansɛ la. Ni kiyo-rakarannɛnu kumara anu ye yarɔ-koenu fɔ-tinɛ, ni wo ma, ka yarɔ-koenu fɔ iko furinu denu ya a fɔ anu ye, ni wo ma, ka yarɔ-kumɛnu fɔ kofo-denyɛ rɔ, anu kana anu tole masɔ wo do-wo-do la.

Yɛrɛmaya 27:9 Iomraidhean Croise

Bɔ-Koe-Iyipiti 22:18

“Wo kana sɔn, suwagɛ ni to a niyi la.

Bɔ-Koe-Iyipiti 7:11

Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ.

Hɛnkilimaya-Kumɛnu 19:27

Nna den, ni i ya i ban karan la, i ya min lɔn kɔrɔma la, i si na nyina wo ko.

Aiseya 8:19

Mɔgɛnu bi a fɔla wo ye ko wo ni yi-kɔrɔ-fɛlɛnnɛnu manyinika alako wo ni hɛnkili sɔrɔn anu bolo, ado anu bi huma-humana dɔrɔn. Mɔgɛnu bi a fɔla ko, “A kin mɔgɛnu ni furi manyinika kɛndɛwagɛnuna ko la.”

Yɛrɛmaya 14:14

Wo kɔma, Mari ya a fɔ n ye tun ko nɛbi wonu bi foninya-wɔlɔyiyɛ kɛla a tɔgɛ rɔ. A ko ale ma anu nata. A ma anu sɔ, ado a ma a sara anu na. A ko anuna ko-rayen wo, anuna yi-kɔrɔ-fɛlan wo, anuna bolo-tafɛlanyɛ wo, wo bɛɛ foninya. Anu nyɛrɛ miriya dɔrɔn, anu bi wo le wɔlɔyiya-kumɛnu fɔ-tinɛ.

Yɛrɛmaya 23:16

Mari Sɛnbɛ-Bɛɛ-Tigi ya a fɔ wole, Yerusalɛm kɛnu ye ko wo kana wo tole sigi nɛbinu kan kɔrɔ. Nɛbinu bi wo buyi lafala foninyɛnu na. Ko-rayirɛ minnu bi nala nɛbi wonu kunyɛ rɔ, anu bi wo le fɔla, ado Mari miriya ma wo la feu!

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Yɛrɛmaya 29:8

Mari Sɛnbɛ-Bɛɛ-Tigi, Isirɛlata Alla ko wola foninya-nɛbinu anubɛ wola bolo-tafɛlɛnnɛnu kana wo bolo labira. Wo kana wo tole masɔ anuna kiyo-kannu na.

Isikiyɛli 21:29

“Wole Amonnu, wo ya ko-rayirɛ minnu yen, tonya sa wonu tɔ. Wo ye sinan-kumɛ minnu fɔla, foninyɛ le wo bɛɛ la. Wo wunduyogo kosɛbɛ, ado wati ye nala, wo si wota tɔrɔya-laban sɔrɔn. Faan ye nala wo kunyɛnu tɔnbɔnna a daga rɔ.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Maika 3:7

Hali wo, wole nɛbinu kuman-kan ti bɔ-a-la. Wo si miliya worɔ bawo Alla sa wo fɛ tun iko fɔlɔ.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Kɛwɔlɛnu 8:11

Anu ya anu tole masɔ a la wati bɛɛ bawo a ara mɛ duriyɛ kɛla anu tɛma ka anu nakawa wo nya.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Tɔn-Fɔɛ-Fila-Nyɔgɛ 13:2

alako wo ni bɛsɛ donu kɔ, wo ma duru minnu kɔla nun, wo mɔgɔ-su ye wo kɔndɔfili-koe le tɔ. Hali a si ke le ka kabana-koenu nadan iko a ya a fɔ nya min,

Tɔn-Fɔɛ-Fila-Nyɔgɛ 18:14

Musa ya a fɔ anu ye ko, “Wo ye nala tala sigila kan min, mɔgɛ minnu bi nyɔ kaka, wonu bi anu tayala ka yarɔma-koe fɔ duriya-wɔlɛ rɔ. Woleta Mari Alla ti sɔn wole ni wo ma.

Yasowa 13:22

Isirɛla mɔgɛnu ya Beyorila dan Belam faga min bi duriyɛ kɛla nun. Yorodan bɛ mara Rubɛn nyamani-dan la tele-yigi wara la.

Lankɛnimayɛ 18:23

Hali lɛnpu-waan fenfen ti yen a rɔ tun. Kɔɛn-kura-tolon ti kɛ ale soe wo burɔ tun. Sɛnbɛ ye ala yilanu bolo duninya kan tinɛ bɛɛ rɔ nun, ado a ya duninya-mɔgɛ bɛɛ yanfa ala foninya-duriyɛ la!”

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

Lankɛnimayɛ 9:21

Anuna mɔgɔ-fagɛ wo, anuna duriyɛ wo, anuna yɛlɛnyɛ wo, anuna kankanyɛ wo, anu ma fara wonu na ka tubi mumɛ!