Yɛrɛmaya 27:8 - ALLALA KUMƐ

⁸ Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 27:8 Iomraidhean Croise

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 27:11

Kɔnɔ a ko ni nyamanɛ fenfen ya a nyɛrɛ latenbi Babilɔn mansɛ ma, Mari ko a si a ma, nyɔ-mɔgɛnu ni to anu halala-nyamanɛ rɔ ka to sɛnɛ sala nyɔ tolon!

Yɛrɛmaya 27:13

bawo a ma kin wobɛ ila mɔgɛnu ni faga kɛlɛ anubɛ kɔnkɛ anubɛ kirayɛ bolo. Mari nyɛrɛ le ya a fɔ ko ni nyamanɛ min ma a nyɛrɛ don Babilɔn Mansa Nɛbukanasa bolo, ko sufa kɛnu denu bi sigila wo ma.

Yɛrɛmaya 28:14

Ale Mari Sɛnbɛ-Bɛɛ-Tigi, Isirɛlata Alla ko sara-ninki kanma-kɔlɔma min nadannɛ nɛgɛ la, a si wo sa sibolenu kan ma. A ko a ye wo mala le alako bɛɛ si wɔli Nɛbukanasa ye nya min. Anu si ma yɔɔn la a ye. Hali bintɔ-sogenu, wonu si to ale Mansa Nɛbukanasa kɔrɔ.

Yɛrɛmaya 28:4

Nɛbi Hananaya ko Mari si sɛgi Yahoyakimna den Yuda Mansa Yɛhoyasin anubɛ Yuda mɔgɔ-birani-kɔrɛnu na fanan. A ko Mari ko a si ale Babilɔn mansɛ latinya pɔ!

Yɛrɛmaya 29:17

Mari Sɛnbɛ-Bɛɛ-Tigi ko kɛlɛ-fitini wo, kɔnkɔ-fitini wo, kiraya-fitini wo, a si wonu nata Yerusalɛm kɛnu ma kaka. A ko a si anu ma iko toro-gbɔ-tulunɛ minnu ti dɔn tun.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 40:9

Kɛdalaya ya a keli anu ye ko, “Wo kana kilan ka dɛgɛ min Babilɔn kɛnu ye. Wo ni wo sigi nyamanɛ kɛ rɔ. Wo ni wɔli Babilɔn mansɛ kɔrɔ. Wo wara-koe si ta a kilɛ fɛ.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!