Yɛrɛmaya 27:22 - ALLALA KUMƐ

²² Mari Sɛnbɛ-Bɛɛ-Tigi, Isirɛlata Alla ya kɛ le fɔ Bato-Bon-miran anubɛ bolon-miran kɛnuna ko la minnu tora Yerusalɛm. A ko fɔ kɛ bɛɛ wa ta Babilɔn. A ko anu si to nyɔ ha ale Mari ni ta anu bi-tinɛ. A ko a si sɛgi anu na ka anu sigi anu gba kɔrɛ rɔ tun wo wati rɔ.

Yɛrɛmaya 27:22 Iomraidhean Croise

2 Mansɛnu 25:13

Mari Bato-Bɔn sɛnbɛrɛn-kɔn minnu nadannɛ silɛɛ la wo, kenkirɛ minnu nadannɛ silɛɛ la wo, yi-sigi-kunan min nadannɛ silɛɛ la wo, Babilɔn kɛlɛ-dannu ya wonu tinya ka ta silɛɛ wonu na anu bolo.

2 Ko-Kɔrɔta-Karan 36:21

Mari ara min fɔ Nɛbi Yɛrɛmaya ye nun, wo le wara bɔ-a-la kɛ la bawo a ya a fɔ nun ko, “Yuda dugi si a sulen san bi-wɔrɔnfila kɔrɔ, ka a tɛgɛ anuna san wɔrɔnfilɛ sulanla ko ma.”

Ɛsira 1:11

Wo tumɛ Sɛsabasa anubɛ mɔgɔ-biranɛ wonu bi bɔla Babilɔn nyamanɛ rɔ ka ta Yerusalɛm soe burɔ, a tara sɛnɛ anubɛ wodi-gbɛ-miran min bɛɛ la a bolo, wo yatɛ bɛnta miran waga loli, miran kɛmɛ nani (5,400) ma.

Ɛsira 7:19

N bara miran min bɛɛsi don i bolo ka anu nawɔli Bato-Bɔn la, i ni ta wonu dantɛgɛ Alla ma Yerusalɛm soe burɔ.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Yɛrɛmaya 20:5

Mari ko a si wola so-karantan kɛ fen-kolomɛnu di wo yogenu ma Babilɔn nyamanɛ rɔ. Wola mirannu wo, wola mansaya-fen-kolomɛnu wo, wo si foo wo dama la.

Yɛrɛmaya 27:7

Ale mansɛ wo, ala dan wo, a mamanɛ wo, nyamanɛ bɛɛ si mansɛ wonu sako kɛ ha ale fananna nyamanɛ bu-wati ni ke. Wo wati wa ke, ale fananta mɔgɛnu kunyɛ si don mansa-gbɛrɛkɛnu bolo min sɛnbɛ kolo aletɛ ko.

Yɛrɛmaya 29:10

Mari ko Babilɔn si to sɛnbɛ rɔ san bi-wɔrɔnfila kɔrɔ. San bi-wɔrɔnfilɛ wo wa ban tumɛ min, Mari ko a si na wo wara Babilɔn nyɔ. A si ala lanyiri latɔnbagaya ka sɛgi wo la Yerusalɛm wulɔn.

Yɛrɛmaya 34:2

Isirɛlata Mari Alla ko n ni ta a fɔ Yuda Mansa Sɛdɛkaya ye ko ale Mari si Yerusalɛm soe kunyɛ don Babilɔn mansɛ bolo. Wo si a mintan gburr!

Yɛrɛmaya 34:3

A ko ale Mansa Sɛdɛkaya ti ke a burila. A yogenu si a bira ka a don Babilɔn mansɛ wo bolo. A ko anubɛ mansɛ wo ya-den filɛ si bɛn ka kuma anu nyɔgɔn na. Wo kɔma, anu si ta a la Babilɔn.

Yɛrɛmaya 34:5

A ko a si faga a fanbolo. Iko anu ya isɛnti mintan a benbanu saya-koe kuma nya min, anu si isɛnti mintan ale fanan saya-koe kuma wo nya na le. Anu si a di ka a fɔ ko, “E, mala mansɛ ara faga.” Ale Mari kan le kɛ la.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.