Yɛrɛmaya 27:14 - ALLALA KUMƐ

¹⁴ Foninya-nɛbi minnu bi a fɔla ko i ni murutiya Nɛbukanasa ma, i kana i wɔlɔ matɔlɔ wonu na de! Anu bi i bolo-labira-tinɛ le.

Yɛrɛmaya 27:14 Iomraidhean Croise

Yɛrɛmaya 14:14

Wo kɔma, Mari ya a fɔ n ye tun ko nɛbi wonu bi foninya-wɔlɔyiyɛ kɛla a tɔgɛ rɔ. A ko ale ma anu nata. A ma anu sɔ, ado a ma a sara anu na. A ko anuna ko-rayen wo, anuna yi-kɔrɔ-fɛlan wo, anuna bolo-tafɛlanyɛ wo, wo bɛɛ foninya. Anu nyɛrɛ miriya dɔrɔn, anu bi wo le wɔlɔyiya-kumɛnu fɔ-tinɛ.

Yɛrɛmaya 23:21

Mari ko ale ma nɛbi kɛnu sɔ kɔnɔ hali wo, anu burumatoe ye tala anu halala-kumɛnu fɔla. A ko ale ma a sara anu na mumɛ, kɔnɔ hali wo, anu bi kumala a tɔgɛ rɔ.

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Yɛrɛmaya 37:19

Nɛbi minnu ya foninyɛ fɔ ko Babilɔn kɛnu ti na wo kɛlɛ, wonu bi mintɔ gbɛ?

Yɛrɛmaya 38:22

N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Maika 2:11

“Mari ko wole kensuntenu bi nyinina foninya-nɛbinu ma minnu si wo mayuwaya. Wonu si belenna a fɔla wo ye ko, ‘Baan-feremɛnu bi wola ko la duk!’

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.