Yɛrɛmaya 27:12 - ALLALA KUMƐ

¹² Nde, Yɛrɛmaya ya kumɛ kɛ le nyɔgɔn fɔ Mansa Sɛdɛkaya ye Yuda nyamanɛ rɔ. N ya a fɔ a ye ko, “I ni i nyɛrɛ latenbi Mansa Nɛbukanasa ma. Ni wobɛ ila mɔgɛnu wɔlita ale mansɛ anubɛ ala mɔgɛnu ye, wo si to wo niyi la

Yɛrɛmaya 27:12 Iomraidhean Croise

Hɛnkilimaya-Kumɛnu 1:33

Ni mɔgɛ min ya a tole masɔ nna hɛnkilimaya-kumɛ kɛ la ka a bira, wo tigi la si feri. Hɔn ti taran wo la. Wo ko-wo-ko sa nyɔ a si kilan min na.”

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 21:9

Mɔgɔ-wo-mɔgɔ tora soe burɔ, ni anu tɔgɔ ma to kɛlɛ la, anu tɔgɔ si to kɔnkɔ-fitinɛ la. Ni min tɔgɔ ma to kɔnkɔ-fitinɛ la, anu tɔgɔ si to kiraya-fitinɛ la. Kɔnɔ ni min tara Babilɔn kɛlɛ-dannu bara ka dɛgɛ min wonu ye, wo tigi ti faga. Minnu bi tala dɛgɛ min tinɛ, wo ye tala a niyi le dɔrɔn na a bolo.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 28:1

San kelan wo le ma, Sɛdɛkayala mansayɛ san nani nyɔgɛ, kɔni, wo karɛ lolɛ ma, Esurila den Hananaya min bi nɛbiyɛ la ka bɔ Kibiyon nyamanɛ soe do rɔ, wo kumara n ye Bato-Bɔn la. A kumara n ye saraka-masɔlɛnu anubɛ wole, mɔgɛ bɛɛ yala.

Yɛrɛmaya 28:2

Hananaya ko Mari Sɛnbɛ-Bɛɛ-Tigi, Isirɛlata Alla ko a ara Babilɔn mansɛ latinya.

Yɛrɛmaya 38:17

N ya a fɔ Mansa Sɛdɛkaya ye ko, “Mari Sɛnbɛ-Bɛɛ-Tigi Isirɛlata Alla ko ni ile ya dɛgɛ min Babilɔn Mansɛla kɛlɛ-dannu ye, i si to i niyi la. Soe kɛ ti mintan wo rɔ. A ko wobɛ ila denbayɛ si kisi.

Yɛrɛmaya 42:11

A ko wo ni fara kilanna Babilɔn mansɛ la. Ale Mari si taran wo fɛ. A si wo tanka a sɛnbɛ-wɛ la.