Yɛrɛmaya 27:10 - ALLALA KUMƐ

¹⁰ Foninya-nɛbi wonu bi anu yanfa-tinɛ le. Wonu si a ma, anu ni ta nyamani-gbɛrɛnu tɔ, ado ale Mari ko a si anu gben ka anu kasara.

Yɛrɛmaya 27:10 Iomraidhean Croise

Bɔ-Koe-Iyipiti 22:18

“Wo kana sɔn, suwagɛ ni to a niyi la.

Yɛrɛmaya 14:14

Wo kɔma, Mari ya a fɔ n ye tun ko nɛbi wonu bi foninya-wɔlɔyiyɛ kɛla a tɔgɛ rɔ. A ko ale ma anu nata. A ma anu sɔ, ado a ma a sara anu na. A ko anuna ko-rayen wo, anuna yi-kɔrɔ-fɛlan wo, anuna bolo-tafɛlanyɛ wo, wo bɛɛ foninya. Anu nyɛrɛ miriya dɔrɔn, anu bi wo le wɔlɔyiya-kumɛnu fɔ-tinɛ.

Yɛrɛmaya 23:16

Mari Sɛnbɛ-Bɛɛ-Tigi ya a fɔ wole, Yerusalɛm kɛnu ye ko wo kana wo tole sigi nɛbinu kan kɔrɔ. Nɛbinu bi wo buyi lafala foninyɛnu na. Ko-rayirɛ minnu bi nala nɛbi wonu kunyɛ rɔ, anu bi wo le fɔla, ado Mari miriya ma wo la feu!

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 27:14

Foninya-nɛbi minnu bi a fɔla ko i ni murutiya Nɛbukanasa ma, i kana i wɔlɔ matɔlɔ wonu na de! Anu bi i bolo-labira-tinɛ le.

Yɛrɛmaya 27:15

Mari nyɛrɛ ko ale ma kunta-kumalɛ kɛnu sɔ mumɛ! A ko anu bi ale Mari da-ragbala-tinɛ le. Woletɔ ile anubɛ nɛbi minnu bi foninyɛ fɔla i ye, a ko ale nyɛrɛ si tugu wo la ka wo faga.”

Yɛrɛmaya 27:16

Wo kɔma, nde, Yɛrɛmaya ya a fɔ saraka-masɔlɛnu anubɛ wole fanan ye ko Mari ya kɛ le fɔ. A ko foninya-nɛbinu bi a fɔla ko Babilɔn kɛnu tara Bato-Bon-miran minnu na, wonu ti mɛ nala tun. A ko wo kana wo tole masɔ nɛbi wonu na. A ko anu bi foninya-nɛbiya-kumɛnu denu fɔla wo ye tolon!

Yɛrɛmaya 28:11

A ya a fɔ mɔgɛ bɛɛ yala ko Babilɔn Mansa Nɛbukanasala kanma-kɔlɔma min bi anuna ko la, Mari ko a si wo rakerikeri wo nya na le. Ale Hananaya ko Babilɔn Mansa Nɛbukanasa ya kanma-kɔlɔma sa sibole bɛɛ kan ma kɔnɔ a ko Mari ko yanni san fila, a si wo rakeri. Kɛ fɔɛ Hananaya bolo, nde, Yɛrɛmaya bɔra Bato-Bɔn la ka ta n ye.

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Yɛrɛmaya 32:31

Ka a bi soe kɛ sɔ-wati ma, a ko dugu dannu bara a ma, a ara kɔrɔtɔ wɛ kɛ. Woletɔ a ara soe kɛ kasara-koe latɛgɛ

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Tɔn-Fɔɛ-Fila-Nyɔgɛ 18:10

Wo kana wola dannu ma sarakɛ la ka anu nakɛ tɛ rɔ. Wo ka sɔn Isirɛla mɔgɛnu ni suwagayɛ anubɛ bolo-tafɛlan kɛ. Anu kana bɛsɛ nyini ka anu nyɛrɛ ma mɔgɔ-kun-nyininɛnu na anubɛ durinu.