Yɛrɛmaya 26:9 - ALLALA KUMƐ

⁹ I ya a fɔ Mari baraka rɔ ko Bato-Bɔn kɛ si tinya iko Sailotɛ. I ko soe kɛ si kasara, hali mɔgɔ-den-kelen-bɛrɛn kunyɛ ti to-a-rɔ. I ya i tui kɛ fɔla nfenna ko la?” Wo ya kurɔn don n ma.

Yɛrɛmaya 26:9 Iomraidhean Croise

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

Aiseya 29:21

Mɔgɔ-tɔgɔ-tinyanɛnu wo, minnu bi yo dila ko-yogoma-kɛlɛnu ma wo, minnu bi foninyɛ fɔla alako mɔgɔ-telennɛnu kana yo sɔrɔn wo, Alla si wonu dama halaki.

Yɛrɛmaya 32:3

Mari ko a si a ma, Babilɔn mansɛ ni Yerusalɛm bira. A ko ale Mansa Sɛdɛkaya kunyɛ ti bɔ a rɔ. Anu si a bira ka a don Babilɔn mansɛ bolo. Anu ya-den filɛ si bɛn ka kuma anu nyɔgɔn na. Mari ko anu si ta ale mansɛ la Babilɔn, ado a ko a si to nyɔ ha ale Mari ni a sako kɛ a la. Hali a ya Babilɔn kɛlɛ-dannu kɛlɛ a kun da filɛ la, a ko a ti anu nɔ. Mari kan le kɛ la. Ale mansa Sɛdɛkaya ya n sa yele la bawo n bara Mari kan kɛnu natenbi nun.

Yɛrɛmaya 33:10

Mari ko mɔgɛnu bi a fɔla ko yan bara ma wula-da-rakolɔn la. Mɔgɔ sa yan, kolo-fan sa yan. Mari ko anu ya tonyɛ le fɔ wo la. Yerusalɛm soe anubɛ Yuda nyamani-toe ra ara kolonya filili! Hali mɔgɔ-den-kelan sa anu tɔ tun. Kɔnɔ sewɛ-yerelen-tɛgɛ-kan si fɛrɛn nyɔnu tɔ tun. Mɔgɛ si sewa-tolɔn anubɛ kɔnyɔ-masɔ-tolɔn lamɔɛn tun nyɔ rɔ. Mɔgɛnu tenbi nala baraka-bira-sarakɛnu na Mari ye, mɔgɛnu bi bɛti-sufa kɛnu namɔɛnna ka le. “Ma ni baraka bira Mari Sɛnbɛ-Bɛɛ-Tigi ye bawo a nyimayanɛ, ado ala keninteyɛ ti ban.” Ale Mari ko a si nyamanɛ kɛ lata yarɔ iko a ye nya min nun, yɔ! Ale Mari kan le kɛ la.

Yɛrɛmaya 36:29

Mari ko n ni a fɔ Mansa Yahoyakim ye ko, “I wara gbolo-sɛbɛnɛ mintan, ado ka tenbi wo la, i wara nde, Yɛrɛmaya manyinika n bara a sɛbɛ minna ko la ko Babilɔn mansɛ si nyamanɛ kɛ kasara, a mɔgɔ wo, a kolo-fen wo.”

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 4:13

Kɔnɔ mala saraka-masɔlɛnu anubɛ mala nɛbinu bara hakɛ kɛ min kɛ, woletɔ ma yogenu donta a burɔ. Minnu ma ko tinya, anu denu ya a ma, wonu bara faga fu!

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Maika 2:6

“Mɔgɛnu bi kumala n ma ko n kana kuma-su kɛnu fɔ anu ye. Anu ko, ‘Alla si male lamiliya, wa?’ Anu bi n manyinikala ko,

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Matiyu 27:20

Saraka-masɔla-wɛnu anubɛ Yahudiya-kɛmɔgɛnu ya a lagbɛlɛya nyama kuma ko anu ni Pailɛti manyinika Barabasi boloka-koe ma ka ale Yisa faga.

Maraka 15:11

Kɔnɔ saraka-masɔla-wɛnu ya nyama hɛnkili labila ko a ni Barabasi boloka anu ye.

Yɔni 8:20

Yisa ya kɛ bɛɛ fɔ wo tumɛ a ye mɔgɛnu karanna Alla-Bato-Bɔn la, sɔli-fen-kenkirɛnu siginɛ kan min. Nba, mɔgɔ-wo-mɔgɔ ma a bira bawo ala wati ma ke wɛ.

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 21:30

Soe bɛɛ lamagara. Mɔgɛ bɛɛ ya anu buri anu nyɔgɔn fɛ Pɔli bira tinɛ. Anu ya a sagan ka a bɔ Alla-Bato-Bɔn kata burɔ. Wo kɔma, anu ya nyɔ-tenbi-bolɔnnu natogon tiriya!

Kɛwɔlɛnu 22:22

Mɔgɛnu ya anu tole masɔ Pɔli la kɔnɔ a ya wo fɔ tumɛ min, anu gbele-gbelenta kan-ba la ko, “Wo ni a bɔ yan ka a faga! A ma bɛn a kɛndɛ ni to!”

Kɛwɔlɛnu 3:11

Namara-kɔrɛ wo kirita Pita anubɛ Yɔni ma tumɛ min, mɔgɛ bɛɛ kawara ka anu buri anu wara ka ta Alla-Bato-Bɔn dandan kɔrɔ min tɔgɛ ko, “Silamɛnita Dandan Kɔrɛ.”

Kɛwɔlɛnu 5:12

Marita kilayɛnu ya tamasere anubɛ kabana-ko siyaman kɛ mɔgɛnu tɛma. Dɛnkɛninya-mɔgɛ bɛɛ ya anu nadɛn dandan wo kɔrɔ min tɔgɛ ko, “Silamɛnita Dandan Kɔrɔ.”

Kɛwɔlɛnu 5:28

“Ma ara wo makawandi nun bɛrɛkɛ, ko wo kana mɔgɛnu karan kei kɛ tɔgɛ rɔ tun. Kɔnɔ wo ara min kɛ, wo ma a yen? Wo ara wola karan kɛ nyɛnsɛn Yerusalɛm fan bɛɛ. Wo ye a fɛ ka male ma ala saya-sabuyɛ la!”

Kɛwɔlɛnu 6:14

Ma ya a lamɔɛn a ye a fɔla ko Nasarɛti kɛ Yisa kɛ si Alla-Bato-Bɔn wayan, ado Nɛbi Musa ya namu minnu to ma bolo, ale Yisa ya wo bɛɛ yɛlɛma!”

Yasowa 18:1

Anu banta kɛlɛ kɛla wati min, Isirɛla mɔgɛ bɛɛsi nara Sailo. Saraka-masɔlɛnu anubɛ anu madɛnbɛnɛnu ya Marita Fani-Bɔn sɔ nyɔ.