Yɛrɛmaya 26:7 - ALLALA KUMƐ

⁷ Kumɛ wo fɔɛ nde, Yɛrɛmaya bolo Bato-Bon-kata burɔ, wole saraka-masɔlɛnu wo, wole nɛbinu wo, anubɛ wole mɔgɛ donu ya wo lamɔɛn.

Yɛrɛmaya 26:7 Iomraidhean Croise

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Matiyu 21:15

Saraka-masɔla-wɛnu anubɛ tɔn-karan-mɔgɛnu ya Yisa yen kabana-koenu kɛla. Anu ya a lamɔɛn dennɛnu bi anu kan nabɔla Alla-Bato-Bɔn la ko, “Mansa Dawudala dan, i ni sɛnɛ!” Wo le ya a ma, anu diminyara.

Kɛwɔlɛnu 5:17

Nba, keliyɛ wulita saraka-masɔla-kun-tigi-wɛ anubɛ a ta-nyɔgɔ Sadusinu na Marita kilayɛnuna ko la ha ka a dan natenbi. Woletɔ anu ya a latɛgɛ ko anu ni wuli wonu kan ma.