Yɛrɛmaya 26:5 - ALLALA KUMƐ

⁵ A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 26:5 Iomraidhean Croise

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Mansɛnu 9:7

A ko i ni ila mansɛ faga, Mansa Ehabula dan, kɔni. A ko i ni wo ma bawo Yɛsɛbɛli ara ale Marita nɛbi anubɛ ata wɔli-kɛla-siyaman faga. Wo si ma ale Yɛsɛbɛlita tɔrɔyɛ la.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 29:19

Mari ko wo ye mala le bawo Yerusalɛm kɛnu ma anu tole masɔ a la. A tora sarakani-siyaman donna ala nɛbinu bolo kɔnɔ a ko Yerusalɛm kɛnu ma anu tole masɔ sarakanɛ wonu na mumɛ!

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 35:17

Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Yɛrɛmaya 7:25

A ko kebi wo benbanu bɔra Iyipiti, ale Alla tora ala nɛbinu nanala anu ma le tolon, ata wɔli-kɛlɛnu, kɔni!

Isikiyɛli 38:17

A ko a ya a fɔ Isirɛla nɛbinu ye nun ko wati ye nala, a si a ma, mɔgɛ do ni na bui ata mɔgɛnu ma. A ko nba, mɔgɛ wo le ale Mansa Kɔgi kɛ la, yɔ! N Tigi Mari kan le kɛ la.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Lankɛnimayɛ 10:7

Melika wɔrɔnfila nyɔgɛ wa ata buri fɛ tumɛ min, Alla si ala gbundu-ko-latɛgɛnɛ kɛ iko a ya a fɔ ala wɔli-kɛlɛnu ye nya min, ala nɛbinu, kɔni.”

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”