Yɛrɛmaya 26:21 - ALLALA KUMƐ

²¹ A lamɔɛn Mansa Yahoyakim anubɛ ala kɛlɛ-dannu anubɛ ala mɔgɔ-banu bolo, ale Yuraya faga-sɔgɛ ya mansɛ bira. Wo lamɔɛn Yuraya bolo, a ya a buri tala Iyipiti kilan bolo.

Yɛrɛmaya 26:21 Iomraidhean Croise

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

Yaburi 119:109

N mabɛnnɛ n ni-fili-koe la kɔnɔ hali wo, n ti nyina ita sereyanu ko.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yɛrɛmaya 26:10

Kɛ lamɔɛn wole, Yuda mɔgɔ-banu bolo, wo burumatoe bɔra bolɔn la ka ta Bato-Bɔn la. Wo dama tara wo sigi tinɛ rɔ don-dɛ wo dafɛ min tɔgɛ Don-Da-Kurɛ.

Yɛrɛmaya 36:26

Wo kɔma, ale mansɛla den Yɛramɛli wo, Asireyɛlila den Sɛraya wo, Abidilila den Sɛlimaya wo, mansɛ ya kɛnu denu sɔ mabɛ Baruki bira-tinɛ. Kɔnɔ Mari ya ma dogon.

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Matiyu 10:39

Min ba a raya ka a nyɛrɛ niyi lakisi, wo si bɔnɔ a rɔ. Min ba bɔnɔ a niyi rɔ ndela ko la, wo si a sɔrɔn.

Matiyu 14:5

Hɛrodi ye a fɛ ka a faga kɔnɔ a kilanta Yahudiyanu na bawo wonu ya Yɔni lɔn nɛbi la.

Maraka 6:19

Ala musi Hɛrodiyasi diminyanɛ Yɔni ma nun. A faga-sɔgɛ ya a bira kɔnɔ a ma ke a fagala Mansa Hɛrodila ko la.