Yɛrɛmaya 26:20 - ALLALA KUMƐ

²⁰ (Kei do ye nyɔ nun min tɔgɛ Yuraya, Sɛmayala dan, kɔni. Wo bɔra Kiriyati-Yirɔm soe burɔ. Ale Yuraya fanan ya kuma-sufa kɛ le fɔ, ado wo fanan kumara Mari tɔgɛ rɔ Yerusalɛm anubɛ Yuda kan ma iko Yɛrɛmaya kɛ.

Yɛrɛmaya 26:20 Iomraidhean Croise

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

2 Mansɛnu 23:37

Kɔnɔ ale mansɛ bilara Mari la iko a benbanu ya a ma nya min.

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 36:19

Wo kɔma, anu ya a fɔ a ye ko, “Wobɛ Yɛrɛmaya ni wo dogon. Mɔgɔ kana wo dogon-tinɛ lɔn.”

Yasowa 15:60

Kiriyati-Beyali (Kiriyati-Yirɔm) anubɛ Raba fanan dira Yuda bɔnsɔn-mɔgɛnu ma. So fila le wo la, anu dafɛ-so-nɛnu bɔnɛ a la.

Yasowa 18:14

Ka bɔ Ataroti-Ada soe ma, dan wo tara dugu la ha ka ke Kiriyati-Beyali soe ma (min tɔgɛ fanan Kiriyati-Yirɔm) min bi Yuda bɔnsɔn bolo. Bɛnyamɛta nyamanɛ-dan le wo la min bi tele-yigi wara la.

Yasowa 9:17

anu wulita tele wo rɔ ka ta mɔgɛ wonuna soenu tɔ. Soe wonu tɔgɛ le kɛnu na, Kibiyon, Kɛfira, Birɔti, anubɛ Kiriyati-Yirɔm.

1 Samuwɛli 6:21

Anu ya kilayɛnu nata Kiriyati-Yirɔm so-burɔ-mɔgɛnu ma ka a fɔ anu ye ko, “Filisitinu bara Marita tɔn-kenkirɛ lasɛgi ma ma. Wo na, a bi.”

1 Samuwɛli 7:2

Marita tɔn-kenkirɛ ya san mogan de bɔ Kiriyati-Yirɔm soe burɔ. San kɛ mumɛ bɛɛ kɔrɔ, Isirɛla mɔgɛnu bi dila Mari dala anu dɛnbɛn-koe rɔ.